Dewa Şapatanî ke girêdayeyê qezaya Şemzînanî ya Colemêrgî ya de 28ê tebaxe de şewat dest pêkerdbî û aye roje ra nata şewat dewam keno.
Seke yeno zanayîş şewat netîceyê eştişê topan de vejîyabî. Herêma Elde Serero ke 2 kîlometre durê merkezî de ya, ewja de nuqtayê Serdolê, Dole, Hewrîsê, Kanîbotkê, Resê, Piştaderê, Kelûtka, Pawîzewarî û Bînsulî raştê eştişê topan ameybî û netîceyê eştişê topan de şewat vejîyabî. Ame musayîş ke şewat ver bi Derbendê Şapatanî şono.
Heta nika seba ke mudaxaleyê şewatî nêame kerdiş, netîceyê şewatî de xeylê herême û dewan de zaf cayî veşayî. Reyna netîceyê şewatî de reze û bexçeyê dewijan zî veşayî û bîyî wele.
Ame musayîş ke dewijê ke seba mudaxalekerdişê şewatî şîyî, raştê tehdîdê leşkeran ameyî.
MA - COLEMÊRG