Hikûmeta AKP zî zey hikûmetanê verên Lice de polîtîkayanê bêmerdimkerden (veng-tol kerdene) ferz kena. Quwetê dewlet yê ke bi rojano Licê de pey hewldayenê îşgalî de yê û pêrokîn mintiqe veşnay nika zî destpa vengkerdişê dewan kerdî. 90 keyeyê ke dewa Kerwas de yê bi zorê lejkeran amey veng kerdene. Lejkeran bi vatenanê “ma kewnê pirodayiş û operasyonî kenê hera, ma weşîya şima ra mesûl nîyê” dewijan keyayanê ci ra vetî. Welatijê ke keyeyan ra amey veten bi motoran dew ra amey veten. Tayî ronişteyê Kerwas û bi seyan ronişteyê dewoka Mehle rixmê pêrokîn tehdîdan keyeyê xo terk nêkerdî.
‘No warê ma yo, terk nêkenime’
Dewijan vatî ’na ca dewa ma ya, tarîx, kiltûr û ziwanê ma tîya de yo. Rixmê pêrokîn zext û zorvajîyan ma dê warê xo, dewa xo terk nêkerê.
74 kesê ke 24ê Hezîran de ser vengdayişê yardimwaştişê dewijanê Hedîk û Xosor serva verîgirotişê operasyonî zey mertalê ganî kewtî ray û amey binçimkerden hona zî serbest nêviradîyayî. Mertalê ganî Midûrîyeta Emnîyet ê sûk de yenê girewten.
Heto bîn ra hikûmeta ke operasyonê bi rojan yê Licê ra netîce nêgirot nika zî bi çapemenîya xo ya hetkar ra destpa manîpulasyon û zûrrîyan kerd. Goreyê îdiayanê çapemenîya hetkar operasyonê Licê dûştê tîryakî yeno ramitene. No îdia fina hayr ant tîcaretê tîryak yê dewlete ser. Wextanê vernî de nameyê xêlê fermandar û sermîyananê dewlet bi tîcaretê tîryakî amebi rojdem.
DÎHA/AMED