Çalakîya dewijan hêrişkerdişî rê zî warê çalakî ra di zaf hûmarîy de lejkerê ‘Robocop’ ame sewqkerdiş û nê lejkeran bila semed hêrişê dewijan kerdî. Peynîya hêrişê di zaf hûmarîy de dewijê birîndar bîyê. Peynîya qewimyayişî zî dewijan dadgehî ra seba vindertişê înşaetî doz akerd, çi heyfo ke hîna dadgeh biryar nêday bike şîrket destpê înşaetî kerd. Nêviraştişê no înşaetî ser dewijan na yew hewteyake nobet tepişenî, çalakî ra dorûverê dewan ra dewijî zî hetkarî danî û HDPa Îzmîrî zî çalakîya dewijan ra hetkarî dana.
% 50’ê bazarê çin bibo
Babete ser serekê Komeleya Yorukijan Osman Duzman aşkera kerd ke o zî di na dewe de pîl bîyo û bi karê heywanî cuyayişê xo domneno û wina vat: “Bi seyan mêşnayê min est î. No înşaet taybetê di warê makîtî de yenaviraştiş. Eke no înşaet bêroviraştiş ma senî heywanî xo ra miqata bikerî, dewa ma bi karê bexçecîtî de barê xo kena. Bi vaya koya Sîpîlî herr û wele no ocaxê qumî do ser baxçeyê ma bêrî û heme baxçeyê ma zî ziwa bibî. Eke no ocaxê qumî bêroakerdiş do %50’ê bazarê heywan û baxçecîtî çin bibo.” Duzman ciresna ke bi no ocaxê heme fekê û sebzeyê rewşa bê weşî pîl bibî û na rewş ra zî her kes do zirar bivino, no pirsgirêk tena pirsgirêkê dewa înan nîyo, no pirsgirêkê pirsgirêkê Îzmîrî yo zî û ganî dorûverê doruvekar di na babete de hişyar bibî.
Hewna welatij Ahmet Ergîn zî destnîşan kerd ke eke ganî bikero ê nê yew hewte bi emrê xo di noca de bibo, ê qet destûr nêdî ke ocaxê qumî bêroviraştiş û wina dewam kerd: “No ocaxê ser di dewa ma de cuya vindert. Ganîyo ke no ocax bêrovindarnayiş, çimkî ma nêeşkenî teberê daxî bivejî. Nika di banan de ewlehîya canê ma çin o, çimkî çend ra ocaxê ra parçeyê kerrayî firay û îsabetê awanîya dibistana dewe kerd. Nika domanê nêşonî dibistanî.”
OZGUR AYDIN/ ANF / ÎZMÎR