Tewr peynî zî dewleta tirk hêrişê şehîdgehê ‘Şehîd Suna Çîçek û Doktor Baran’ a Dêrsimî kerd û mezelê gerîlayê PKKe û mezelê ke tede kateyê welatijê ke qirkerdişê Dêrsimî de cuyayîşê xo dayî estî sero bombe varnay. Babete sero Pîrê Ocaxa Dervîş Cemalî û Endama Koma Aştîye Aysel Dogan qalîkerdî û bertekê xo nawitî.
Ez xora şerm kena
Pîrê Ocaxa Dervîş Cemalî ra Menşure Dogan derheqê babete de bertekê xo mojna û wina vat: “Bi nêy hêrişan eslê xo de hêrişî hêvîyê şarî kenî. Şar bi zehmetîyê gird nêy kateyan ardî tîya de kom kerdî. Dewlet hewl dana ke bi nêy hêrişan hêvîyê şarî bikişa. Labelê bi no hawa xo dinyaye de rezîl kena. Semedê ke ez welatijêka na dewleta bêhuqiq a ez xo ra şerm kena. No hêriş hêrişeko teberê merdimatî ya. Ti hurmetê înan hemverê merde, bawerî û ganîyan ra çino. No zîhnîyetê DAIŞe yo.”
Ma cuyayîşê bêcîyayî
Pîrê Ocaxa Dervîş Cemalî Hayrî Şanli zî ciresna ke hedîseya Kerbelaye aşma citmenge de qewimyaya û wina verdewam kerd: “Bîyayîşê nêy hêrişî ya aşma citmenge zî çîyo ke tesadufî nîyo. Xora hetê polîtîkayan de hukimata AKPe zî şopa înan de şono. Ma wazenî ke çek bêro bêvengkerdiş. Goreyê bawerîya ma heme merdimî sey yewbînan î. Na dinyaya ma hemînan a. Ma cuyeye pîya pawenî. Ger ke ma yewitîya xo awan bikî no wext Yezîd ra xelas benî. Ma bi rikî vanî aştî û lazim o ma dormarê aştîye de kom bibî.”
Persgirêko gird
Endama Koma Aştîye Aysel Dogan zî dîyar kerd ke hikumeta AKPe kateyê 38’î ra tersena û wina vat: “Tîya de yew dîrok limite yo û kesê ke tîya de rakewnî, êy ke semedê şarê xo canê xo feda kerdî yî. Nêy kateyê ma hemverê zilmî xover day û kewtî herre mîyan. Semedê ke êy kesî azadîye sero canê xo day û şehîd kewtî. Êy çîyo ke lazimî pê estbî kerdî. Persgirêk no yo ke dewlet hende kewta. Ez hezar ray lenetî sero varnena. Dewlet do her tim ma ra bitersa. Labelê ma qet ya ra nêtersenî.”
DÎHA/DÊRSIM