Kiştişê sersefîrê Anqara yê rûsan ra dima Moskova de kombîyayîşêk ame viraştiş û Rûsya, Îran û Tirkîya beşdarê kombîyayîşî bîbî. Kombîyayîşo ke rojeva ci rewşa Sûrîye bî ra dima Deklarasyonêk ame weşênayîş.
Kombîyayîşî ra dima dewleta tirk bi mehneya vera çeteyanê DAIŞî de dayîşê têkoşînî, Bab de bi teyarayan hêriş kerde û netîceyê hêrişî de 84 kesî merdî û 45 kesî zî birîndar bîyî.
Goreyê malumato ke ame girewtiş, zanayîşê derheqê sîvîlan de wina yo: Keyeyê El- Esfûrî ra 13 kesî, keyeyê Neîme ra 6 kesî, keyeyê El-Ebo ra 6 kesî, keyeyê Fazil Sebaxî ra 2 kesî, keyeyê Qirodî ra yew doman, keyeyê Şelaşî ra 4ê ci doman 27 kesî, keyeyê Naqo ra 10 kesî, keyeyê Xezalî ra 6 kesî, Îbrahîm Qeblawî, cinîya Mustefa Mehmûd El- Sukerî, Mustefa Mihemed Xelîfe, keyeyê Birêtawî ra 2ê xo doman 5 kesî, keyeyê Kezkazî ra (hûmare dîyar nîyo).
Yeno zanayîş artêşa tirkî 21ê kanûne de hêrişê Taxa El-Şebabî ya ke girêdayeyê Babî ya, kerdbî û netîceyê hêrişî de 4ê xo doman 13 kesî merdbî.
ANHA / BAB