Verba Rayberê Şarê Kurd Abdullah Ocalanî de tecrîdo bi mutlaq hetê dewleta tirkî ra yeno meşnayiş. Polîtîkaya tecrîdî ya dewleta tirkî ra Rayberê TEVDEMî yê Hesekêyî Ferhan Dawûd bertek nîşan da û vat ke bi tedrîdkerdişê Rayber Ocalan wazenê azadîwaştişê şarê Rojhelatê Mîyanênî hepis bikê.
Rayberê TEVDEMÎ yê Hesekêyî Dawûd aşkera kerd ke bi fikre Rayberê Ocalanî rayîrê azadî û demokrasîya şaran ame akerdiş û wina vat: “Na raştinî sifte dewleta tirk û dewletê mêtinger wazenî rayîrê azadîya şaran bigê. Dewletê mêtinger wazenî Surîyeya Vakûr û Rojhelatî projeya netewa demokratik bixeniqnî. Mintîqa de şar projeya netewa demokratîke ra kêfweş î û vera dewletê mêtinger xo ver danê.”
Tewro peynî Dawûd dîyar kerd ke Rayber Ocalan tena seba xelisyayişê şarê kurdî ra nê xelisyayişê heme şarê bindestî ra projeyan awan keno û wina peynî kerd: “Dewleta tirk fikrê Ocalanî ra tersena. No ser zî her ke şono tecrîd hîna xorîn beno. Ocalan eşkeno krîzê Rojhelatê Mîyanênî çareser biko. Ma do bi esasê fikrê Rayber Ocalanî de projeya netewa demokratîke do hîna aver bibê.”
ANHA/HESEKÊ