Endamê Komîteyê Rayverîn ê PKK'î Murat Karayilan programê Analîz ê televîzyonê ma rê qisey kerd. Karayilan'î ard ziwan ki dewleta tirk konseptê lejî visto dewre û adirbirnayin jî bê mahne kerdo û wina dewam kerd: 'Artêşa her tim adirbirnayinî gena binê lingan. Rastî de aya bi adira kay kena. Xeylê cayan bi hawanan êriş kena. Şaro vera êrişan vejiyeno jî, rastê êrişî yeno. Rewşê nikay de, konseptê dewleta tirk, konseptê lejî yo. Ma wazenê herkes nay bizano ki, quwetê gerîlayê helbet vera enê êrişan bê veng memanê'.


Erdexan de qandê heyf-girotin êrişê sivîlan kerd

Karayilan'î vist vîrî ki êrişê Erdexan de, êrişê plankerdebi û wina vat: 'Jew roj verê cayo sivîlî kişiyay ra dûrî, lejkeran operasyon viraşt. Wija lej vejiya. Gerîlayan 3 tîmê taybetî kiştî. Dewleta tirk kişiyayinê 3 tîmanê taybet, niminayna. La belê qandê heyfê înan bigirê, êrişê sivîlan kerd. Bi zanabiyayin welatijê HDP"ijî hedef girotî. Bi ê êrişiya, mesaj da HDP. Çimki HDP weçînayinî de Erdexan'a piya, heme cayanê Serhed'î de rayê xo kerdî vêşî. Bi êrişa wazenê verniyê vêşîbiyayinê eleqeyê qandê HDP bigirê. Wazenê şarî bitarsaynê'.


Arinç'o bivîno rojê zehmetê kamî pawenê

Karayilan'î cewab da tehdîtanê alîkarê Serokwezîrê tirk Bulent Arinç'î û wina vat: 'Arinç vano, rojê zehmetê PKK pawenê. Werzeno ma tehdît keno. Iyê ki ma tehdît kenê, wa ageyrê biewnê tarîx. Eki Arinç zaf wazeno, wa bêro biewno, rojê zehmetê kamî pawenê. Ma pêjewîn rind silasnenê. AKP serra 2011 de, plan kerdê "zey Tamîlan ma îmha bikiro". La belê peyniyê ci herkesî dî. Eki nêzanê ma senî lej kenê, wa performansê gerîla ê vera çeteyanê DAIŞ biewnê. Eki enê wina dewam bikirê, iyê Tirkiye vera felaketî berê. Iyê enê zîhniyeta Tirkiye letey bikirê'.


Gerîla vera tecrîdî bê veng nêmameno

Endamê Komîteyê Rayverîn ê PKK'î Murat Karayilan'î siyasetê tecrîdê vera Rayverê Şarê Kurd Abdullah Ocalan'î jî zey siyasetê lejî hesibina û wina vat:'Quwetê gerîlayê vera siyasetê tecrîdî bê veng memanê. Nika ma jû êşika zaf krîtîk de nê. Kesê lej nêwazenê, gerek vengê xo vejê. Ewro hewna wextê çiyêkerdin esto. Bibo ki meşt bol herey bo. Coka gerek raya pêroyin vera konseptê lejî vengê xo berz bikiro'.


Wextê ronayinê Suriya Demokratîk ameyo

Karayilan'î derheqê serraçarnayinê hîrêyin ê Şoreşê Rojaway de wina vat:'Serraçarnayinê hîreyin ê şoreşê Rojawa'y de, vera Rojawa êrişê girdê viraziyenê. Enê êrişan pey de dewleta tirk esta. Şarê ma, vera êrişan xover da û xo pawit. Şoreşê Rojawa rengê şoreşê kurd mûsina. Rolê ceniyanê kurd ê şoreşî de mûsina heme dinyay. Bi serkewtinê Girê Spî jî, şoreşê Rojawa resa merheleya ronayinê Suriya Demokratîk. Sebebê hereketê artêşa tirk ê sînorê Cerablûs jî, tehdîtkerdino'. 


 NAVENDA XEBERAN