Wekîlê HDPe Muslum Dogano ke peynî demeke mîyanê hukimato demî de ca girewt, îstîfa kerd ard ziwan ke îstîfaya înan a peynîya 26 rojê wezîfeya wezîrtîye, netîceya dayişêomidî yo û wina vat: “Verba vatişê ‘Metna wendiş, ameya dayiş verê înan’ ê rayedarê AKPe, metna ke ma wend, netîceya dayişêomidî demderg partîya ma bi. Ma partîyeke demokratîk û aştîwaştî. No ser zî ma metna xo na roje wend, bêşik metneke desteya wezîfeyan a na roje de ame wendiş nêbî. No dayişêomidek bî. Dayişomid û enerjîyeke partîya ma bî.”Dogan da xuyakerdiş ke terteleyê sivîlan ê Kurdistanî de hetê lejker û polîsan ameyo kerdiş, no zî qet nîno qebulkerdiş û nîro vîrkerdiş zî û wina dewam kerd: “Dewlet îdia kena ke guya demokrasîye aver bena la ma ewnîyenî ke dewlet hêrişê şarî kena. Kurdistan de qet hêrişê dewlete nînê qebulkerdiş û no ser zî xoverdayişê şar zî manadar û hêja yo.”
Meşa aşitîye
Dogan seba weçînayişê verwext ê 1’ê Teşrîne veng şarê Ewropa, Kurdistan û Tirkîyaye kerd û waşt, her kes wa hetkarî meşa aştî û azadîya HDPe ra bido. Dogan wina dewam kerd: “Heme can, sosyalist, bindest yê bawer kenî û bawer nêkenî, 1’ê Teşrîne de hetkarî bidî meşa ma ya derg. Na meş meş a ber bi demokrasî û aştîyeke bi rûmet a mende ya.”Dogan wina qedîna: “Eke ma ravêreyeya têkoşînî nêdî destpêkerdiş, rojê gelekî nêweş verî ma de yê. Ma do aştîye serdest bikerî û nê şerwaşt mîyanê rîpelê dîrokî de vîn bibî. Eke ma bi ser bikewî na ravêreyeye demokratîkbîyîşê komarî xurt bibo, na ravêreyeya neteweya demokratîk dest pê bikera.”