AŞTÎ EHMED / ROJNEWS/ÇEMÇEMAL
Dewleta tirkî vera Başûrê Kurdistanî de hêrişê xo yê dagîrkerîye domnena. Her roje bi teyarayan hêriş kena û heta nika bi desan kesê sîvîlî qetil kerdî û xeylê cayê bînî zî bombe kerdî.
Babete ser o merdimê şehîdê Enfalî ke qezaya Çemçemalî ya Silêmanî de cuyenî, qisey kerdî û vera dagîrkerîye de reaksîyon nîşan dayî. Rojnameger Siud Sengawîyî va ‘hêriş û dagîrkerîya dewleta tirkî, dewamê qirkerdişî yo’ û wina domna: “Senî ke rejîmê Baasî serranê 80î de kurdan qetlîyam ra derbaz kerd, dewleta tirkî zî ewro kurdan qetlîyaman ra derbaz kena. Ganî hukmatê Îraqî vera îxlalanê deweta tirkî de bêveng nêmano. Reyna ganî sîyasetmedarê kurdî zî vera dagîrkerîya dewleta tirkî de bibî yewe. Çimkî dewleta tirk parçebîyayeyîya hetanê sîyasîyan ra feyde gêna.”
Endamê Rêxistina Ererî Şêrzad Hesenî zî wina va: “Dewleta tirk û Erdogan dişmenîya kurdan kenî û na şaşîyêka girde ya. Faturaya na polîtîkaye zaf giran a. Ma wazenî ke wa Hukmatê Kurdistanî dewleta tirkî hişyar bikero. Çimkî tîya de welatîyî bedelê giranan danî. Kurdî heta nika raştê xeylê hêriş û qetlîyaman ameyî. Cok ra ganî hukmatê Başûrî nê hêrişan bido vindarnayene.”