Tarîxê deyîrbazîya kurdan zaf kehen a. Deyîrbaz Mehmet Klayî Pasajê Kapakli ya Riha de kasetan roşeno û 40 serrî yo ke deyîran vano. Deyîrbaz Klayî serranê 80î de dew bi dewe gêrayo û seba ke kulturê deyîran çinî nêbo xeylê deyîran qeyd kerdo. Arşîvê Klayî de bi seyan kasetê kehenî estî.Babete ser o Hozan Beşîr û Mehmet Klayî qisey kerdî.
Klayî va ‘wextê derbe de deyîrbazî ameye çinbîyayîşî ver’ û wina domna: “Ma o wext kasetî kerdî binê erdî. Dewlete bi hêrişanê xo nêverda ke ciwanî kulturê xo bimusî û vernîya vilabîyayîşê deyîrbazî girewt. Deyîrbaz Bilurvan Huso û Bakî Xiloyê ke 3 rojan qet karêk nêkerdî û pêser deyîran vatî, nînê vîrîkerdiş. Deyîrbazê winasî nêmendî. Kasetê Ayşe Şane yê Îbrahîm Tatlisesî ra hîna zêde ameyêne rotiş. Verê huner seba şar ameyêne kerdiş, la nika seba dewlete yena kerdiş.Hozan Beşîrî zî wina va: “Deyîrbazî nînê resnayîş. Sey verê huner û kultur nêmendo. Domanî pîlanê xo ra hîkaye û deyîran goşdarî kerdêne. Sîstemê kulturê popîlerî mezgê ciwanan şono. Zîhnîyetê derbe domîyeno. Tîrkîya demokratîk nîya. Çimkî hema zî hunermedî yenê tepiştiş.”
DÎHABER/RIHA