Di no demî de rojnameyê Mîllîyet manşetê xo de vat bi; “Rojeya sexte, fitara bi gon’ û di no demî vatişê Wezaretê Karê Zereyê Saadettîn Tantanî zî sermanşet ra dabi. Tantan vateke: “Bi vatişê rojeya mergî merdim xapênay, keseke şîyê nêweşxaneye heme saxlam vejîyayê.”
Peynî zî rojname di rûpela xo yew de terteleyê ona çewt kerd: “Di tewr zor operasyon di zîndana Bayrampaşaye de vîyarto, dema mehkûmê sîyasî destpê têkoşîne kerdî, no demî cendirmeyan nêçare bi balyozî awanîya koxuşan şiknay. Peynî zî bi bombeyê gazî kewtê koxuşan. Guya mehkûman kewtê rojeya mergî la heme mehkûman saxlam bi, hetta dema ke nêweşxaneye şîynê dirûşmeyê qîraynê.”
Hewna di rojnameyê Mîllîyete de Hasan Cemal di nuşteyê xo de vateke: “Ez Wezaretê Edelet reyde pêvînayiş viraşta û o zî min ra vat ke dewlet sifteyin zîndanan ra kewena.” Vatişê mehkûmê sîyasî ya ‘Hetanê peynî ma têkoşîn bidê’ Cemal rixne kerdbi û vate bike: “Şima senî şer bikerî? Şima kam reyde şer bikerî? Seba çi şer bikerî? Mergî çar vînayiş fantezi nîyo. Di cuyayişê merdime de kaykerdiş şaş o.”
ALÎ BARIŞ KURT / ANF / ENQERE