Peynîya qefelnayişê rojnameyê Ozgur Gundemî, rojnameyê Ozgur Ulkeyî destpê weşana xo kerdbi la belê no rojnameyê ra saetê şewe 2 kanûne 1994’ê de bi bombeyê C-4’î hêriş ameybi kerdiş û ser no hêrişî zî 20 serre vîyart. Çi baloke şaxê rojnameyê Ozgur Ulkeyî yê di Kadirga Stenbole, Cagaoglu û Enqereyê eynî demî de ame bomberankerdiş. Peynîya nê hêrişan zî wezîfedarê resayişê rojnameyê Ersîn Yildiz cuyayişê xo dabi û 23 kesî zî giran birîndar bibî.
Fek vernêday
Qet no qewimyayişî rojnamegerê Çapemenîya Kurd nêtersayê û peynîya qewimyayişê bi hetkarîya rojnamegerê sosyalîstî rojnameyê Ozgur Ulkeyî bi manşetê ‘No adir şima zî bi veşno’ de resna wendekaran xo. Ser qewimyayişî 15 rojake vîyart bike rojnameyê Ozgur Ulkeyî, vejna meydanî ke biryarê nê bomberankerdişan no demî serekwezîr Tansu Çîller daya, rojname bi belgeyê biryarê MGKî zî no îdiayê xo raşt kerd. Di belgeyê de rojnameyê Ozgur Ulke zey ‘no rojname xebatê ciyakerdiş û rijnayişî ra hetkarî dana û nê xebatê rojnameyê zî beka û nirxê dewleta tirk ra eyqirî yo. Ganîyo ke heqê no rojnameyê de teberê rayîrê legalî xebat bêrokerdiş’ ameynê sûcdarkerdiş. Çi balo ke binê belgeyê de îmzeyê no demî serekwezîr Tansu Çîller estbi. Di 7 teşrîne 2012’ê komîsyona Cigêrayişê Muhtira û Darbeyan a TBMMî de Tansu Çîller ra no demî wekîlê BDPî Sirri Sureyya Onder no belgeyê persa bi û Tansu Çîller zî bi bermayişê xapenayiş de vat bi: “Şima senî fikrîyenî ez ona bikera, yew yew maya.” Çi heyfo ke peynîya cipersayişê no qewimyayişî netîce nêvejîya û AÎHM zî bi biryarê xo Tirkîya sûcdar kerd.
Qirkerdişan domyeno
Di serra 90’an de senî qirkerdiş, tade, zilm û girewtişan est bi, nika zî nê polîtîkayê leyminî domyeno. Di xebatkarê rojnameyê ma Kadrî Bagu di Edeneye de zey serra 90’an bi hêrişê çekê ame qetilkerdiş. Çi heyfo ke hema zî qetilkarê Bagdu dîyar nîyo û ser Çapemenîya Azad sansur, tade û girewtişan domyenî. Dema ke rojnameyê Ozgur Ulkeyî ame bomberankerdiş Yurdusev Ozsokmenler zî di noca de xebityaynê hem Yurdusev Ozsokmenler hem zî nûçegîhanê rojnameyê Ozgur Gundemî ser Çapemenîya Kurd polîtîkayê zilm û tadeyî ser qise kerdî. Yurdusev Ozsekmenler dîyar kerd ke rojnamegerekê adetîya Çapemenîya Azad ra ameynê, ser înan dewleta tirk polîtîkayê leyminî şuxulnaynê û wina vat: “Endamê rojnamegerê Azad tena waştî wendoxan xo ra xeberê raşt biresnî û no ser zî hema zî têkoşîna înan domyena. No demî serekwezîr Tansu Çîler û paydarê a waştê rojnamegeran bê veng bikerî û no ser zî heme rayîrê leyminî şuxulnay. Di saetê şewe de ma ra xeber ame ke banê rojnameyê ameya bomberankerdiş. Ma dema ke şî rojnameyê, dîmenekê ma dî, zaf bi wehşî bî.” Ozsekmenler dîyar kerd ke rîyê bombeyê ser banê ê, temamî ameybi war û wina domna: “Embazê ma zî di adirê de mahsûr mendbi. Ma embazê xo xelisnay la belê polîsan zî tena waştê embazê ma bigêrî binçimî. Dîroka Çapemenîya Azad bi qehremantî de bar o. Çi heyfo ke ser Çapemenîya Azad hema zî tade û zilm domyena.”
Ma têkoşîn xo bidomnê
Rojnameger Ersîn Çaksu zî dîyar kerd ke serre 90’an de çika embazê ma ameynê qetilkerdiş, ona newe embazan cayê nê embazê ma girewtî û wina domna: “Hetanê nika qet endamê Çapemenîya Azad raşteyan di erdî de veranêday. Ser ma şuxulnayişê polîtîkayê leyminî û bomberankerdişê dewleta tirk ser qet ma têkoşîna xo ra fek vera nêveraday. Dewleta tirk nika şerê Rojawan ra kirişta, no ser zî ser endamê Çapemenîya Azad polîtîkayê leyminî domnena. Embazê Denîz Firat û Kadrî Bagdu no ser amey qetilkerdiş la nê polîtîkayê dewlet qet nêeşkana ma bê veng bikero. Sazîyê her ke şona zaf benî.”
ZUHAL ATLAN/DÎHA /STENBOL