Dewa Mîseyntere, Pirsûse Kobanê ra giredano û no taybetî ya xo ser zî dema xoverodayişê Kobanê de zî mîsyonê na dewe zaf bi muhîm bî. Nika na dewe bi pergala xo ya komunî bal ancena. Peynîya xoverodayişê Kobanêye di dewe de zaf bi muhîm bedilyayiş ame meydanî.
Xoseriya Demokratîk
Çarçiweya pergala komunî di dewe de yew heyet ameya xelqkerdiş û berpirsîyarê Komunê Mîsayntere Emîn Akman vat ke ê çarçiweya pergala Xoserîya Demokratîkî komûna xo înşa kerdî. Akman aşkera kerd ke ê bi nameyê Arîn Mîrkan û Kader Ortakkayaye di dewa xo de destpê xebatê pirtûkxane û muzîkî kerdî.
Akman aşkera kerd ke hema zî înan xebatê xo bi coş domnenî û wina dewam kerd: “Ma taybetê seba ekolojîyê, pêroyina dewe de destpê xebatê hewzkerdişê kerd. Hewna seba domanê xo ma dibistanê kurdî akerd. Hewna bi nameyê Akademîya Zanistî yê Komeleye de ma yew banê înşa kenî, hewna çarçiweya ekolojîyê seba heywanan ma axoran înşa kerd. Taybetê aşmê wisarê xebatê ma destpê bikero.”Akman destnîşan kerd ke ê di dewe de çi xebat kerdî, bi vesîleya 8 Adare Roja Cenîyan a Dinyaye heme cenîyê kedkar û bi vesîleya hewteya Qehramanî zî heme şehîdê azad ra xela kenî.
DÎHA/RIHA