Dibistanêy kurdî emserr Colemêrg, Şirnex û Amedî de bi kêf û coş ameybîy akerdiş la zaf rayan hêzêy dewleta tirk dibistanan mohr kerdbîy. Amedî de Dibistana Ferzad Kemanger zî 3 rayan ame mohrkerdiş. La têkoşîn û îradeya şarê kurd mohra dibistanan her wext şikitîy û kêfa xo nîmcet nêternay. Na gam zî bi her hawayî bi kêf û coş perwerdeheya gedeyê kurdan ke na gam wendekar êy û mamosteyan ca de yo.
WENDEKARÎY BI KÊF ÊY
Mamostey bi dil û can heta ke dest û mezgê înan ra yeno karê xo kenêy û ziwanê kurdî wendekaran ra musnenêy û hîndekareya wendekaran zî danêy. No kêfa înan weneyê waneya kaykerdişa ‘destmal kamî de yo’ weş belî yo. Weş eyseno ke mamostey û wendekarîy bi her hawayî bi kêf û coş girweyê xo kenêy û anê ca.
Vengê înan yê bi ziwanê kurdî perwerde vînenêy wexta ke yeno goşan merdim hewna zaftirey mana têkoşîna kurdan fam keno. Hetê bîn de zî tikey wendekarêy pola Melayê Cizîrî zî wexta betlaneya tenafusî de zereyê polî de kêf û coşa perwedeheya kurdî vînayişî bi îşareta serkewtişî ardî ziwan û memnûnîyeta xo ya dibistana kurdî bi her hawayî aşkera kerdîy.
Hinî eyseno, ke serreke bîn dibistanî de do cayê wendekarêy kurdî teng bibo an zî çînêbo û KURDÎ DER do mecbûr bimano ke dibistanke bîn ya perwerdeheya kurdî dano wendekarêy kurdî, abikera.
EHMEDÊ BIRA / AMED