Domanî ke bîyê serkewte sertîfîkayê xo girewtî. Mudirtîya Şaxa Sporî ya ke Serekîya Daîreyê Karê Komeleye ser o xebatan kena semedê domanê ke Dibistanê Hamnanî yê Sporî de kurs qedînayê merasîmê sertîfîkadayîşî organîze kerd.
Semedê kursîyerê ke kursê obezîte, karate, tenîsê maseye, tenîsê kortî û basketbol bi serkewte qedînayê merasîmê sertîfîkadayîşî virazîya. Merasîm Salona Karate ya Mudirtîya Şaxa Sporî a ke Sumerparke de ya de virazîya. Sereka Daîreyê Karê Komeleye Semra Kiratli, Mudira Şaxa Sporî Ayfer Tekeş, kursiyer û keyeyê înan merasîm de ca girewtê.
Merasîm de ewil sertîfîkayê kursê obezîte ameyê dayîş. 53 domanî beşdarê kursê Obezîte bibî. Mudira Şaxa Sporî Gul Bozkurt merasîm de qalîkerdişêk kerd û vat ke; “Na xebate 2 aşme dewam kerd. Ma nika ra tepîya bayeyê kursanê amnanî nêvindenê. Ma do nika ra tepîya na xebate serra diyês aşme bike.”
Bozkurt îzeh kerd ke semedê obezîte tenya kêmkerdişê werdiş û şimitiş ney, şima eşkenê pê hetkarîya keyeyanê xo zî kîloyan bidî û wina vat: “Ma nika ra tepîya hewte de hîrê roj pê sporê 2 saetan xizmet danê kesê obezîteyan. Wa zeyîf bibê çi destê ma ra yeno ma kenê.”
Domanî kêfweş bîyî
Irmak Oktay a ke wexto ke dest bi kursî kerd 45 kîlo bî vat ke a pê dîyet û spor heta nika 10 kîlo da. Oktay îzeh kerd ke perwerdekarê înan dir zaf eleqadar bîyê û înan ra spas kerd.
Ahmet Baran Tonçer zî vano: “Min zî pê no kurs 7 kîlo da. Mamosteyê ma, ma dir zaf mijûl bîyê. Wexto ke min newe dest ci kerd ez 78 kîlo bîya. Ez nika bîya 71 kîlo ya.” Abdurrahman Şencer û Zeynep Adiguzel zî kurs ver kêfweşîya xo îzeh kerdê û vatê “Ek no kurs dewam biko ma onca yenê kurs.”
AMED