Pawitox Beydag Tiraş Onerî projeyê ser agahî da û vat ke ê seba aştî amey yew cayê, weçînayişê 7’ê hezîranî seba Tirkîyayê zaf bi muhîm o, eke bendê weçînayişê HDP nêvîyaro do îqtîdar yanî AKP hîna bi hêz bibo û demokrasîyê ra hîna dûr bişîro û no ser ê zî amey yew cayê û no projeyê xulq kerdî.
Ewlehîya sindoqê
Beydag dîyar kerd ke qet têkilîya înan HDP reyde çin o, di mîyanê înan de HDPij zî est o, sewbî partîyê embaz zî est î, hedefê înan a sifteyin ewlehîya sindoqî yo, ganî her kes rayê xo ra wayîr bivejî û wina vat: “Ganî seba ewlehîya sindoqê, di heme qezayan de di pawitoxê wezîfeyê bigêrî û welatijan zî ser sindoqan zey şopnayoxê ca bigêrî û dema hûmartişê rayan de zî edeletî bêro têgerîyayiş.”
Beydag aşkera kerd ke ê fikrîyenî ke seba aştî û aramîyê ganîyo ke HDP bendê weçînayişê bivîyaro, seba îradeya şarî di Meclîsî de bîyîş ser zaf bi muhîm o, no ser zî ê kampanyaya HDPî ra bi gird hetkarî danî, waedê HDPê zaf bi demokratîkî û heme HDPij nîyê la HDPî ra bi aktîfê hetkarî danî û seba vengdayişê pawitoxan zî yew metîn hadre kerdî.
Vaya HDPî
Beydag ciresna ke seba projeyê heme embazê xo pawitox ra elaqayê pozîtîf vînayê, di zaf hûmarîy de pawitoxê bi aşkera vatî ke ê vaya HDPî ra tesîr vînayê û vatê; hetanê nika tena aştî rê HDP xebat kena.
Beydag îzeh kerd ke xebatê înan ra pey roşnvîran seba HDPî dest pê kampanyaya îmzeyê kerdî, serekkomar Erdogan dema serekwezîrtîyê xo de bi aşkera vatî ke ê şaran bi zorî banan de tepişenî û ê zî şaran bi zorî tepişenî û do HDP no bendê birijno û vengê heme şaran do Meclîsî de îfade bikero.