Doza çim tersnayîşî
Babete ser Hemverpirsîyarê Weşanê Pêroyî yê Rojnameyê Ozgur Gundemî Huseyîn Aykol aşkera kerd ke vengûvajê rojnameyî de amey weşanayîş, çarçiweya propogandayê PKKe de amey şîrovekerdiş û ard ziwan ke demo ê vejîyayê verê dozgerîye, nê dozek, di doz vejîyayo vernîya înan. Aykol ciresna ke ser dosyaya ‘Propogandayê rayvistişî’ dosyaya serekkomarî ra heqeret zî ameyo zafkerdiş. Aykol dîyar kerd ke wa dozgerê çapemenîye dozê çapemenîye bişopnî, labelê cipersayîşê înan kerdo Dozgerê Têkoşînê Dijî Terorî Gokhan Gogesigmaz o. Aykol da zanayîş ke dozgero ke cipersayîşê înan kerdo ser dosyaye nêserwerê dosyaye yo û no zî nîşan dano ke cipersayîş seba çimtersnayîşî ameyo akerdiş.
Her kes verpirsîyar o
Aykol aşkera kerd ke vengûvajî ra mudirê karanê nuştişî zî ameyo verpirsîyarkerdiş, labelê bedilnayîşê peynî yê Qanûnê Têkoşînê Dijî Terorî (TMK) pêroyê mudirê karanê nuştişî, verpirsîyarê weşanî zî verpirsîyar yenî dîyîş. Aykol bi na numeneye, maneya na rewşe vat: “Eke seba vengûvajê vengûvajêrek 5 serran cezaya zîndanî bigêro, demo no vengûvajî de 26 sername bibî, no dem 36 rayan 5 serre, yanî 130 serre ceza min ra do bêro birnayîş.”
Tavîz nêro dayîş
Aykol ciresna ke sansûrê verbê çapemenîa kurd dest pê kerd, pêroyîya çapemenîya muxalîf vila bîya û destnîşan kerd ke wa sere ver sansûrî û tedayê nêro çewt kerdiş, hukimat bi wezîfedarkerdişê qayumî herikyayîşê weşanî yê Îpek Koza bedilna, hewl dana bi bedilnayîşê çapemenîya kurd bêveng bikera û wina domna: “Rojnameyê ma 26 caran ameyo girewtiş û her rayê ma bi rojnameya newe, vejîyayê verê şarî.”
Aykol qiseya xo wina peynî kerd: “Ma têkoşînê xo û vengûvajêrîyê xo yê raşt do bidomnî. Wa rojname û rojnameger zî nê polîtîkayê sansûr û tedaye ra qet nêtersî.”