DENÎZ TEKÎN / DEVRAN TOPTAŞ / MA/AMED
20ê hezîrane de herêma dewa Fîsî ya qezaya Amedî de wesayîtêko zirxin ke tede tîmê taybetî estbî, dabî wesayîto ke tede sîvîlî estbî ro. Hedîse de bi nameyê Hedîse de Mahmut Oner (74), Mevlut Dagtaş (64), Abdulhamît Dagtaş (63), Fîkrî Demîrbaş (53) û dayika aye Zeynep Demîrbaş de 5 kesî merdbî û 5 polîsî zî birîndar bîybî.
Dozgerê Licê derheqê hedîse de doze akerd û şofêrê wesayîto zirxin N.Uyî ke Mudurîya Polîsan ya Êlihî de wezîfedar o, sey ‘bi hawayo dîqatin bîyo sebebê mergî’ da nawitiş. Îfadegirewtişê formalîte ra dima N.U serbest ame veradayîş. Heyeto ke 9 kesan ra pê yeno raporêk amade kerd û rapor de dîyar kerd ke kamera xirabe ya û dîmenê hedîseyî nêameyo antiş. Heyetî waşt ke wa kamera cayo ke wesayîtî virazîyenî rê bêro erşawitiş.
Babete ser o avukata mexduran Gulşen Ozbeke qisey kerde. Ozbeke qala raporo ke ameyo amadekerdiş kerde û wina va: “Herême de serra 2015î ra nata bi hezaran leşker û polîsî ameyî bicakerdiş. Heq û azadî destê merdiman ra ameyî girewtiş. Tena serrêk de 29 sivîlî pê wesayîtanê zirxinan ameyî qetilkerdiş. No hedîse sey qezayêko normal yeno dîyayîş. Derheqê hedîseyî de cigêrayîşê hîra nînê erdiş. Destpêkerdişê doze ra heta nika ti delîlî nêameyî arêkerdiş. Rapor de wesayîtê sivîlan yeno sucdarkerdiş. Ma seba cigêrayîşî, dîmenî erşawitî fîrmaya Otokarî ke wesayîtanê zirxinan virazeno rê. Beno ke qeydê kamerayan orte ra wedarnayî. Eke wina bibo ma do muracatê mehkeme bikerî.”