15ê Hezîrane de qezaya Sêwregi ya Riha de erazî ser o 6 kesî ameybî qetilkerdene. Derheqê hedîseyî de tayê dîmenî vejîyayî û Dîlan Îzola ke dîmenî antbî, qisey kerde. Dîlan Îzole dîyar kerde ke kesê ke talîmatê qetlîyamî dayo, Zulfîkar Îzol o û seba edaletî veng daye.
Dîlan Îzole vîyarteyê hedîseyî da vîr û wina va: “No qetlîyam bi talîmatê Zulfîkar Îzolo ke verê cu parlamenterîya AKPyî kerdbî, ameyo kerdene. O nêbo, nêşênî çîyêk bikerî. Nê merdimê tarî yî û eşqîya yî. Nêyî dizdî yî, merdiman ca û warê înan ra kenî. Wa herkes bizano, dewaya ma înan reyde çin a.”
Îzole va ‘ganî kesê ke no hedîse de ca girewtî’ gerek bêrî cezakerdene’ û wina domna: “Ma wazenî kesê ke engîştê ci tede estî, wa cezaya xo biancî. Heta ke nêyî bêceza bimanî, ê do cesaret bigîrî û wina bikerî. Ma heq û edalet wazenî. Ma nêşênî kesêk ra çîyêk bipawî. Ma cenazeyê xo şewe tarî de defin kerd. Wexto ke ma hîna nêweşxane de bi, xebere erşawitbî ma rê. Vatbî ‘ganî ê cenazeyî nêrî dewe’. Nê merdiman hem qetil kerd û hem zî ma tehdît kerdî. Ma nêşêna mezelan ser o dua zî nêkerd.”
Seke yeno zanayene hedîse ra dima 5 kesî amebî tewqîfbîyayene. Dosya de qerarê nimiteyî ame dayene.
MA / RIHA