Parlamentera HDPyî ya Amedî Feleknas Ucaye derheqê aliqîyayîşê beyraqe yê Kerkuk de qisey kerde û va ‘heme hetan ra hêrişê qezencanê kurdan yeno kerdiş.’
Ucaye vist vîrî ke “Hetêk ra Komara Tirkîya îdarekaranê hukmatê Başûrî Stenbol û Anqara de kenî meyman û beyraqa Kurdistanî Stenbol de aliqnenî, labelê heto bîn ra Kerkûk de aliqîyayîşê beyraqe ver tehdît kenî“ û wina va: “Tîya de dişmenîya înan dîyar bena. Ma bi desan reyan seba Kongreya Mîyanneteweyî ya Kurdan veng da û ma dîyar kerd ke dişmenanê kurdan ra seba kurdan ti xêr nîno. Vere seba Şengal û Rojawanî tehdît kerdêne, nika zî seba Kerkûkî tehdît kenî. Ma senî ke seba Kobanê bîyî yewe, ganî ma seba Şengal û Kerkûkî zî bibî yewe. Çimkî çareserîye yewîye ra derbaz bena.”
Ucaye derheqê referandûmî de veng da şarî ke şêrî sindoqan ser û va, ‘Her reya nê do seba ameyoxa ma bo.’
AMED