KCK dazanayîşêk da va kî, “Medyayê Rûdaw dişmenîya şarê kurdî kena.” KCK tayî zî vato. Rûdaw têna dişmenîyê nêkena. Rastê rast qey û seba dewleta tirk, MÎT’ê Tirk, AKP karkena. Rûşdaw ra pîya medyayê Basnewsê zî dişmenîya şarê kurd kena.
Çîyo kî zaf baldaro oyo kî, wayîrê Rûdaw Nêçîrvan Barzanî yo. Wayîrê Basnews zî Mesrûr Barzanî yo.
Nê her di medyayê yên PDK(KDP)yê. Bi taybet yê keye Barzanîyanê.
Her roj çend xeberê înan de zurekerîyê estî, şerê taybet estî. Estî ha estî. Dinya de çi di rîyê estî yew eşkeno Rûdaw û Basnews de bivîno.
Ez wazena yew bi yew çend nimûneyan bidî.
1-Rûdaw TV verênîyê weçînayîşê 7’ê Hezîranê de çend hew qiseykerdişê Ehmed Dawidoxlî zindî zindî açarna Kurdî û da. La Rûdaw TV demo ke Selahaddîn Demîrtaşî mîtînganê HDP’de qiseykerdêne fîlmê belgeyî weşanayênê.
2- Rudaw TV, anketan yanê rapersînan ser zî hemberê HDP şerê taybet kerdêne. Heftêk verênîyê weçînayîş de hema hema gore pêronê şîrketanê rapersînan de HDP bendê weçînayîşî derbas kerdibî, têna şîrketa rapersîna Genar vatêne nê HDP bendê weçînayîşî derbasnêkerdo. Şîrketa Genar zî rastê rast ya AKP’ya. Rûdaw zî sernuşte yanê manşetê xo de vila kerdibi kî, HDP bendê weçînayîşê derbasnêkena.
3-Rojê weçînayîş de zî Rûdawî vatêne gore şîrketanê rapersînan HDP bendê weçînayîşê derbasnêkena.
4-Rûdaw têna wextê weçînayîş de ne, nika zî hemberê şarê kurd dişmenî kena. Hayîyên zurî weşanena.
Çend rojî verê cû yew hayî vilakerdibi, vatibi gerîlayên PKK vato, “Seddamî Huseyînî hetê Heftanîn teslîmê ma kerdo. ” Yew gerîlayê PKK hina qiseynêkerdo. Rûdaw ver xo ra zuranê hina erzena. Bi nameyê gerîlayên PKK hina zuran kena, dima ra zî gerîlayan zey dişmen û hêzê dagirker nîşandana.
Rûdaw çira eskerê tirk(5 hezar) yê kî Başurê Kurdîstanê de manenî, qalê înan nêkena.
5-Rûdaw ser Girê Sipî zî hayî û xeberên xelet vila kena. Serkewtişê YPG-YPJ nimnena. Vana, “Xo ra DAÎŞ xo Girê Sipî ra tepîya anto.”
Rûdaw ra pîya Basnewsê Mesrûr Barzanî zî hayî û xeberên şerê taybet vila kena.
Yew nimûne hina esto ne zî beso.
Basnewsê çend hefte verê cû yew hayîyêk hina weşana û vat kî, Gerîlayên PKK hetê Pencewîn de ca bîyê. Wazenê kî verênîyê pêşmergeyên Î-PDK bigerêne û nîverdenê şîyenê Îranê.
Ma hemine nê xeberanê Rûdaw û Basnewsê pêserker, vejîyeno werti ke, her di medyayê Barzanîyan û PDK dişmenîyê şarê kurd kenî.
PDK û keye Barzanîyan se bikerêne wa bikerêne, raştîya înan hinawo.
Şarê Kurd raştîya înan weş vîneno.