Hewna des hezaran cenî û doman di koyê Şengale de mahsûr mend la verba zehmetîyan vatê ke do ê axê xo firazî terk nêkerî û hêzê HPGe zî na manevîyata şarê HPGe ra hêz girewtî û sond wendî ke do Şengale kûçebikûçe, banbiban û papolbipapol azad bikerî. 3 tebaxe ra nika têkoşîna gerîlayê HPGe di Şengale de domyena û têkoşîna hêzê HPGe ser Fermandarê Şengal a HPGe Agît Cîvyan qise kerd.
Serr newa firaz bo
Fermandarê Şengal a HPGe Agît Cîvyan verê qise xo serre newa ya şarê êzidî û heme şarê Kurdistanî firaz kerd û wina vat: “Hokeya ma ra nê 5 aşman bi dekerde vîyart, çimkî her kes zanano ke seba çi ser şarê êzidî hêriş ame kerdiş. Ma no hêrişê ona asan nirx nêkerd, taybetî Şengale ra hêriş ameybi kerdiş. Hema zî sifteyina hêrişê û raşteyê roşnêbîyîşê terteleyê est î. Na rewş hema zî heme rayîrê xo nêameya roşnkerdiş. Seba şarê êzidîyê yew ferman ame dayiş û peynî zî çeteyê DAIŞe ser şarê êzidîyê destpê terteleyekî gird kerdî. Raşto peynîya no fermanî bedelê giran ame dayiş la belkî peynîya no fermanî bedelake hîna giran biameynê dayiş. No tertele bi mudaxaleyê Tevgera Apogeran ame peynî kerdiş. Heme dinya zî vîna, şarê kurd zî zananeno û şarê êzidî zî têkoşîna Tevgera Apogeran ra şahîd bî.”Fermandarê Şengal a HPGe Cîvyan destnîşan kerd ke di noca de verba çeteyê DAIŞe têkoşîn zey sewbî cayan nîyo, çimkî çeteyê DAIŞe noca taybetê seba stratejî û şarê weçîne bi û wina vat: “Ma zî sifteyin ra nika bi cidî no hêrişê çeteyê DAIŞe ra nêzdî benî. Ma di noca de tena verba çeteyê DAIŞe têkoşîn nîda çimkî nêyarî ma dîyar î. Dem kî bi ma nêeşkîya têkoşîna xo şarê xo ra bidê famkerdiş la ma verba nê zehmetîyan îradeyê Tevgera Apogeran mojna. Armancê ma di noca de xo dinyaye ra mojnayiş nîyo. Ma verba hêrişê çeteyê DAIŞe seba şarê xo heme warê koyê Şengale cayê xo girewt. Bi desan çeteyê DAIŞe kewtişê koyê ser hêriş kerd la embazê ma têkoşîna bê hempa verba nê çeteyan mojna.”
Bê hempa têkoşîn
Cîvyan ciresna ke di mîyanê 5 aşmî de têkoşîna bê hempa ame dayiş, sifteyin fermandar Dîlgeş, embazê Armanc, embaza Ronî û di zaf hûmarîy de embazê înan şehîd kewtî û wina domna: “Bi têkoşîna nê embazan hêrişê çeteyê DAIŞe şikya. Di mîyanê Rojawan û Şengale hîrê aşm rayîr qefelya. Şengal mîyanê çeteyan zey yew girawe mend. Çeteyan seba terteleyê desan reyde hêriş kerd la verba nê çeteyan embazê ma têkoşînake bê hempa day û çetey di zaf hûmarîy de vîn day û ma cephaneyê înan dest ser rona, verba xoverodayişê ma di zaf hûmarîy de kesî xoverodayişê ma ra rêz mojna.”Cînyan wina vat: “Keseke ma ra şik kenî, bizanî ke ma tena di noca de şarê êzidî nêpawiyenî ma bi têkoşîna xo Vaşûrê Kurdistanî zî pawiyenî. Tay dorûver vanî ke Tevgera Apogerî Şengale ra sewbî armancê amey, nê vatişê nê dorûveran raşt nîyo. Çi heyfo ke keseke ma ra ganî hetkarî bidaynê la verba ma propogandayekî leymin kenî. No ser zî ma vanî; ma tena di Şengale de verba çeteyan têkoşîn nêdanî. Verba çeteyan têkoşîn dayiş ma ra asan bi la esil nêyareke nîno vînayiş seba ma bi teluke yo. Kam Êzidîxane pawiyeyo se têkoşîna a firaz a.”Cîvyan tewr peynî qise xo de vat ke hewna des hezaran cenî û doman di koyê Şengale de mend la verba zehmetîyan vatê ke do ê axê xo firazî terk nêkerî û hêzê HPGe zî na manevîyata şarê HPGe ra hêz girewt û sond wend ke do Şengale kûçebikûçe azad bikerî.Cîvyan dîyar kerd ke roj ke şona Şengal azad bena la ganîyo ke şarê êzidî hêzê yewîtî xo bironî û ê ciwanê êzidî ra veng danî ke ganî bêrê seba azadkerdişê Şengale têkoşîn bidê û serra newa ye do serra azadîya şarê xo bikerî.
BOTAN GULAN - GELÎ WAN / ANF/ ŞENGAL