Hemserekê KURDÎ-DERê Alî Erdemîrcî xebatê ziwanê maye ser qise kerd. Erdemîrcî aşkera kerd ke dibistanê kurdî, do pêroyina Kurdistanê ra vila bibî û hewna di mîyanê 2015 de pêroyina Kurdistan û Tirkîyaye de ziwanê maye di waran de bandor bibo.Erdemîrcî destnîşan kerd ke di ravêreyeya çareserî de tewr muhîm gam di ziwanê maye de perwerdeyî yo û no ser zî ganî ziwanê maye di binê Mekaqanûnê de bêro temînatgirewtiş û ê hetanê çareserîya pirsgirêkê ziwanê maye xebatê do bidomnî.Erdemîrcî wina vat: “Serrake bêro wendekarê dibistanî kurdî do pola diyine ra bivîyarê û no ser do ma hewna pola yewin ra wendekar bigêrî û ma verdibistane zî do biakerî. Dewleta tirk qet dibistanê kurdî ra destûr nêda û no ser zî vatişê dewlete ya ona biker, wina biker qet bawerî nêdana. Hetanê nika peynîya cigêrayişê qet verpersê pozîtîf û negatîf nêame dayiş. Nika dibistanê kurdî perwerdeyê xo domneno, zey verên dewlet tade nêkeno la hetkarî zî nêdano. Ma nika fikrîyenî do pêroyina Kurdistanê ra nê dibistanan ra vila bikerî, hetta ganî bikero se di metropolan taybetê taxê kurdan de zî nê dibistanan biakerî.”Erdemîrcî bal ant ser bedilyayişê Mekaqanûnê û îzeh kerd ke ganî di ravêreyeya çareserîyê de dewleta tirk babete ziwanê maye de gamê şenber bierzo. Erdemîrcî ciresna ke qet meteryalê perwerdeyê kêmasî ya înan çin o û polîtîkayê perwerdeyê înan zî est o, hetta pola çarin ra pey do înan wendekaran ra di dibistane de perwerdeyê tirkî zî bidî.
TZP û KURDÎ DER bi hemberî
Erdemîrcî dîyar kerd ke meteryalê perwerdeyê, Kurdî Der û TZP bi hembarî de hadre kenî, nika pola diyine ya dibistane ser înan meteryalan hadre kenî û di heme warê cuya de do ziwanê maye ya kurdan, kurdî bandor bibo. Erdemîrcî wina peynî kerd: “Ma seba di heme waran de bandorkerdişê ziwanê maye ser heme sazî û şaredarîyan ra hetkarî biwazî. Ma hetanê nika dikanan ra qertê akerde û padaye vila kerd û do heme nameyê papol, kûçe û taxan zî bibo.”
ANF/AMED