Verfekê Seba Demokrasî Yewîye (DÎB), Parlamenter û Hakimê Mehkemeya Heqê Merdiman yê Ewropa yo kehen Riza Turmenî derheqê referandûmî de qisey kerd.
Turmenî derheqê mîsyonê DÎBî de va ‘DÎB hereketo ke teberê partîyanê sîyasîyan de yo’ û qiseykerdişê xo wina domna: “Eke partîyê sîyasî biwazî bêrî tîya, berê ma hemînan rê akerde yo. Labelê DÎB girêdayeyê ti partî nîyo. Ma verê cû bi CHP û HDP reyde pêvînayîşî kerdbî. Her di partîyî zî vatbî ke do piştî bidî. O wext Demîrtaş tewfîf nêbîbî. Her di partîyî zî temsîlkaranê xo erşawenî, labelê mîsyonê ma yo ke ma her di partîyan bîyarî têhet, çîyo ke winasî çin o.”
Do nê bivejîyo
Turmenî qiseykerdişê xo de va ‘cepheyê ‘nê’yî de ti problem çin o û her kes tede ca gêno’ û wina dewam kerd: “Tayê hetî vanî ke mîyanê bedilnayîşî de xoserî esta û çira kurdî cepheyê ‘nê’yî de ca gênî. Kurayê nê bedilnayîşî de xoserî esta? Ganî sîstemê ademê merkezî (xoserî) bibo, no çîyêko cîya yo. Eke sîstemê ademê merkezî bibo o wext vernîya serekî zî gêno. Eke netîce de nê bivejîyo, o wext do Tirkîyayêka cîya biba. O wext do Tirkîyayêka rêze nîşanê huqûqî dana do bivejîyo raste. Babeta nê referandûmî demokrasî ya.”
Turmenî vatişê xo de bale ant ser vatişanê tayê kesê ke vanî ‘eke ‘nê’ bivejîyo zî do hukmat qebul nêkero’ û wina va: “Ma wina beno. Çi netîce vejîyo o yo. Ez zana ke do nê bivejîyo. Ganî ma na raştîye nîşanê her kesî bidî.”
KENAN KIRKAYA / DÎHABER / ENQERA