Domanî zaf hesasî û tay çî zaf lez doman ser de tesîr virazeno. Werde û awe daxî domanan ser de hacetê tesîran o.
Babete ser o Dr. Saîme Kilinçe qisey kerde û zayîşan da.
Dr. Saîmeye qiseykerdişê xo de bale ante weşîyê domanan û va ‘weşî de çîyê kijek daxî beno ke bibo sebebê çîyê pîlî’ û wina domnaye: “Eke badê werde dormeyê fekê merdimî bibo sûr, laşê merdimî de şopê sûrî bibo, laşê merdimî de wirînayîş, ziwan û lewe de masayîş, kelebnayîş û qebze merdimî de bibo, beno ke alerjîyê werde xo dabo teber.”
Werdê ke alerjî virazenî
Dr. Saîmeye qiseykerdişê xo de va ‘domanan de teşhîsê alerjîyê werde asan nîyo’ û qiseykerdişê xo wina qedêna: “Eke badê şitê maye ra dima werdê ke doman rê yena dayîş de rewşêko anormal bêro dîyîş, beno ke domanî de alerjîyê werde bibo. Domanî de werdê ke benê sebebê alerjîyê werde, şite, hake, maseyî, findiq, fistiq, guze, vame, soya û xeleyî. Seba pawitişê domanan ganî heta 1 sereyê xo şitê manga nêro dayîş.”
ŞÛJIN /AMED