Wayîrê domanê Gurkan Koca û embazê ey di mîyanê citmengî de boyaxkerdişê ser domananê day teşwîkkerdişî. Gurkan Koca no projeyê bi vatişê xo ‘Dinya tena sipî û sîya nîyo û dinyayê de her renk cuyenê’ aşkera kerd. Koca hewna di ser rîpelê Facebookê xo ser ‘Kinder malen fur Kobanê’ (Domananê seba Kobanê boyax kenî’ rîpelê komê akerdo. Armancê no rîpel zî bi ewnîyayişê domanan di Almanya û dinyayê de Kobanê bêro elaqa veynayiş.
PROJEYÊ HEMBAR
Xebatê ser Gurkan Koca wina vat: “Min waşt ke verba no qirkerdişê yew çik bikero. No zî bi lezî qewimya. Ma dema boyaxkerdişê domanan yew beyreq zî nêakerd, ma tena pankarta ‘Domananê seba Kobanê boyax kenî’ akerd. Ma waştê elaqayê dinyayê ser Kobanê bioncî. Di sewbî netewan ra domanan di navendê şaristanê de raşteyan bi tebeşîrê Kurdistan û welatê xo boyax kerd.”
Koca destnîşan kerd ke na çalakîya domanan hetê welatijan elaqayeke gird veyna û domanê Ewropayê domanan ra persay Kobanê çiyo? Û wina qedîna: “Ma zî destê ma ra çika ameyo se ma zî Kobanê day famkerdiş. Nika keseke Kobanê ra remay, hetkarîyê ra lazimeya înan est o. Ma do ameyoxê de seba hetkarîya Kobanê çadir û stand biakerê û no stant de zî pasta û kek biroşê, bi no pereyê zî Kobanê ra seba hetkarîyê bieşrawê.”
ŞERVAN UCAL/KONSTANZ