Wendekarê girêdayê komeley, rîwalê ke rî yê domananê Şengal yê ke qetlîamê DAİŞ ra xelesiyay û Amed de bi ca biyê bidê hiwûten kampanya day destcikerden. Wendekarê ke zangeh de wanenê zî serva ke ameyinê ci birişê qeçekanê Şengalij yê Amed kovarê ‘Pepûle’ vetti.
Serva ke domanî bihuwe
Azayê komeleya wendekaranê Dersim Caner Çetîntaş’î ard ziwan ke, ebi na kampanya wazenê bibê omid. Çetîntaş‘î dazonayene ke, kampanya do 2 hefte biramo û niya qal kerd: “Seweta kampanya him hetê wendekaran, him kî hetê mualîman eleqeyê da gird yena damûsnayen. Ebi na kampanya ma wazenê kar o ke, alwozanê ma yê ke qetlîama Pirsûs de weşiya xo kerdî vinî pey de ternay birame, him kî wazeme riyî domananê Şengal’î bidê hiwuten.
Domanî dê dîna pak kerê
Jû kampanya bîn hetê wendekaranê welatperwer yê zangeha Mersîn ra amê destpa kerdin. Wendekaran kovarê ‘Pepûle’ vet û wazenê ameyinê ci birûsê domananê Şengalijî yê ke Amed de qampan de manenê rê. Pepûle yeno maneya adiro ke veşeno û istanik-sanika kesê ke heqîqet geyrenê yo. Wendekaran veriya coy kî bi nameyê ‘Lîroz’ kovar vetî û ameyinê ci serva domananê Kobanê rusnay. Ebi nê kampanyayan wendekarî herzewbîn hayr ancenê domanan ser de tesîrê herb ser.
Wendekaran ra Abdulkadîr Keleş‘î kî vist vîrî ke, îye wazene taritîyo ke herbî Kurdistan de ser domanan de akerd roşn bikerê, nayî ra kovarî vejenê. Keleş‘î va: Dîna yo ke girdan kerd qilêrîn-leymin domanî dê pak kerê. Wendekar Keleş‘î da zonayen ke, ‘Pepûle’ de him ebi Kurdî, him kî bi Tirkî sanik û helbestî estê. Û aşkere kerd ke, neyra tepya kî îyê dê gureyînanê xo birame.
DÎHA/MERSÎN