HECÎ BRKAT/ XELÎL AL ELÎ / ROJNEWS / ŞENGAL
Çeteyanê DAIŞî 3ê tebaxa 2014î de hêrişê Şengalî kerdbî û qetlîyamêk viraştbî. Qetlîyamê çeteyan ver domanê Şengalî perwerdeyî ra durî mendbî. Badê ke Şengal çeteyan ra ame pakkerdene, şengalijî agêrayî erdê xo ser û domanî dest bi mektebî kerdî.
Arîn Ayasa 8 serrî, seba ke embazê aye wendiş û nuştiş bander bibî, ders dana embazanê xo. Arîne Ayasa vana ‘ma qetlîyam ra ver Tilqeşeb de cuyayêne’ û wina dewam kena: “Seba ke banê ma hêrişan ver rijîya, ma ameyî Şengal. Ez tîya de çîyo ke zana embazanê xo reyde pare kena. Ê zî zanayîşê xo mi reyde pare kenî. Ma ameyoxê Êzidxanî yî. Ez wazena biba doktor û xizmetê şarê xo bikera.”
Domana bi nameyê Fatma zî dîyar kena ke ê serê sibayî embazanê xo reyde yenî têhet û dersa xo xebetîyenî. Fatma vana ‘ma badê ke ameyî Şengal, yewbînan şinasna û bîyî embaz’.