Dezgeyê mîyanneteweyî yê bi nameyê Save the Chîldrenî derheqê heqê domanan de raporêk aşkere kerd û bi nê raporî dinya de kamcîn welatî vera heqê domanan de rêz gênî û kamcîn welatan de domanî domanîya xo cuyenî ser o cigêrayîşî kerdî. Goreyê raporî 1 mîlyar 200 domanan ra zafaneyê ci şert û mercê zehmetinan de cuyenî û cuya înan tehlîke de ya. Dezgeyî raporê xo de aşkere kerdo ke bi se mîlyonan domanî feqîrîye ver nêşênî şêrî mekteb û zafaneyê înan zî mecbûr î bixebetyî. Dezgeyî ser hezarî ra puanî dayî welatan û goreyê nê puanan, 388 puan dîyayo Nîjerî û Nîjerî rêze de tewr peynî de cagirewto. Welatan ra 987 puan dîyayo Sîngapurî û rêze de tewr serî de ca gêno. Rapor de ca dîyayo welatê ke domanî tede tewr zaf bextewar î û nê welatî wina ameyî rêzekerdiş: Swêd, Fînlandîya, Îrlanda, Hollanda, Îzlanda, Îtalya, Koreya Başûre, Portekîz û Kibris. Goreyê raporî Tirkîya rêza 64. de ya. Heto bîn ra tewr zaf domanî Amerîka ke rêza 36. de ya de raştê cînayetan yenî. ANF/BRUKSEL