Qezaya Serêkanî ya Riha de qetilkerdişê 33 ciwananê sosyalîstan ra dima 2 polîsî yew keye de bi hawayo şikdar merde ameybî dîyayîş û dima ra na babete hetê rejîmê AKP û Qesre ra bîbî mehne û rejîmî konseptê şerî yê topyekunî vistbî dewre.
Doza kişyayîşê 2 polîsan ke 7ê xo tewqîfkerde pêro pîya 9 kesî na doze ser ro yenî mehkemekerdiş, ronîştişê 3. yê doze 7ê teşrîna peyêne de Riha de amebî dîyayîş. Derheqê doze de averşîyayîşêko newe ame cuyayîş. Goreyê malumatan ame musayîş ke Walîtîya Riha rê yew belgeyo ‘nimite’ ameyo û bi nê belgeyî walîtîye rê talîmatê ‘Dosyaya Serêkanîye biqefilne’ ameyo dayîş. Badê ke no talîmat seba walîtîye ameyo, walîtîye zî hewl dano ke dosya biqefilno.”
Pawitoxê şaredarî yî
Heto bîn ra her çiqas ke avûkatê kesê ke tewqîfkerde yî, seba roşnkerdişê hedîseyî muracat kerdî zî, ti muracatê avûkatan nêameyo qebulkerdiş. Reyna 2 polîsê ke bi hawayo şikdar merdbî, pawitoxê Serekê Şaredarîya Serêkanîye yê AKPyî Menderes Atîllayo ke nameyê ci zaf reyan bi dewleta xorî reyde ameyo rojeve. Xora verê cu zî aşkere bîbî ke pawitoxanê Atîllayî ra yewe zî têkilîya xo bi çeteyê El Nusra esta. Hêzê dewlete wazenî hedîseya Serêkanîye bierzî ser PKKyî, cok ra Pêşnîyazê Cigêrayîşî yê ke seba roşnkerdişê hedîseyî hetê CHP û HDPyî ra amebî dayîş, bi reyanê MHP û AKPyî ameybî redkerdiş.
Dosya bi nakokîyan tî ya
Avûkatê doze Mehmet Çelîkay derheqê doze de qisey kerd û va: “Îdîaname de yeno vatiş ke 2 polîsî hetê ekîbêko 6 kesan ra pê yeno û Sûrîye ra ameyo ra ameyî kiştiş. La kesê ke tewqîfkerde yî, nînan ra yewe zî Sûrîye ra nêameyo. Derheqê 2 polîsan de qeydê telefon û kamerayî dosya de çin î. Reyna goreyê îzehetê walîtîye hetê 2 polîsan de yew keso bîn estbîyo, la derheqê nê kesî de malumat çin o. Doze hîkayeyêka zûrî ser o ameya awankerdiş. Heta nika ti muracatê ma seba mehkema nêameyo qebulkerdiş. Qatilê polîsan heta nika nêameyî dîyîş. Keyeyê polîsan daxî dosya taqîp nêkenî.”
HASAN YOLDAŞ / ANF / RIHA