Qetilkerdişê karkerê ocaxê madenî yê Şêrwanê Sêrtî nînê vîrîkerdiş û vernîya mergan nîno girewtiş. 16 karkerê madenî 17ê teşrîna peyêna 2016 de ocaxê madenî yê ke hetê Cîner Holdîngî ra ameyêne îdarekerdiş de ameybî qetilkerdiş. Doza qetilkerdişê 16 karkeran de heta nika 7 kesî ameyî tewqîfkerdiş û 11 kesî zî yenê mahkemekerdiş. Ewro Mehkemeya
Cezaya Giran ya 2. ya Sêrtî de mahkemeya kesê tewqîfkerde yena dîyayîş. Raporê heyetê ke hedîseyî ra dima şîyî cayê qewimîyayîşî de zî wina yeno vatiş: “Haletê ke ameyî xebetnayîş vera awe de deyax nêkerdî û herême de her çiqas ke rîskê tehsiknayîşî bibo zî karkerî ameyî xebetnayîş û maden nêameyo vengkerdiş. Kesê berpirsîyarî erje nêdayî cuya karkeran û gureyê xo baş nêkerdî. ”
SÊRT