Doza 6. ya Hemsereka Pêroyî ya HDPyî ya kehene Fîgen Yuksekdage ke bi hawayo tewqîfbîyaye yena mehkeme kerdene, ameye dîyayene. Doze Mehkemeya Cezaya Girane ya 16. de ameye dîyayene.
Yuksekdage derheqê doze de dîyar kerda ke aye şert û mercê zîndanî ver, hewte de ancax 1 an zî 2 saetî eşkena xo biresna dosya û daye zanayîş ke aye astengbîyayîşê heqê pawitişî ver nêşêna beşdarê doze bibo.
Babete ser o avûkate Ruken Gulagaçiye qisey kerde û wina va: “Muwekkîla mi derheqê beşdarnêbîyayîşê xo de îzehet dayo. Fezlekeya 8. ya dosya zaf girane ya. Kesê ke çalakîyê Kobanê de ca girewtî na dosya de ca gênî. Nê zî pawitişê muwekkîla mi kenî zehmetin. Muwekkîla mi 20 aşmî yo tewqîfkerde ya û no het de lazim o ser îxlalkerdişê heqê pawitişî ser o munaqeşeyî bêrî kerdene. Seba ke heqê pawitişî yê muwekkîla mi nêro îxlal kerdene, ganî muwekkîla mi bêra tehlîye kerdene.”
Heyetê Mehkeme netîce de qerar da û doza Yuksekdage taloqê 24ê Êlule kerd.
ANF/ANQARA