Cipersayişê sûcdarîyê ‘Heqeretê serekkomarê tirk Erdoganî ra’ demo peynî de rojnameger gelekî raşt yenî, serra 2015’an de 280 kes ame dariznayiş, serra 2014’an de serekkomar nê dozan ra 440 hezar dolar tazmînat qezenc kerd. Serekê Baroya Amedî Tahîr Elçî, nê dozan zey desteştişê azadîya ramanî ra û tadeya sîyasî bi name kerd.
Rixneye qebul bikerî
Serekê Boroya Amedî Tahîr Elçî aşkera kerd ke dozê heqeretê serekkomarî ra, wa merdim birê Dadgehê Heqê Merdiman a Ewropaye biewno û wina vat: “Heme birê ser azadîya ramanî ra amey dayiş de, derheqê bir û cuyayişê rayedar, sîyasetmedar û rayedarê hukimatê yê bandorê cuyayişê şar kenî de yê. Wa nê şaxsîyetê hîna hera rixneyan ra akerd bibî. Lazim o nê şexsîyat bivînî ke bi wezîfeya girewtî ser milê xo ra hîna hera rixneyan ra raşt bêrî.”
Bandorê de manenî
Serekê Boroya Amedî Elçî destnîşan kerd ke AÎHM vana ke ‘Sînorê azadîya ramanî ser nêzdîbîyîş û vatişê verba sîyasetmedaran, hera yo û wina dewam kerd: “Hewna AÎHM vana ke verba qewimyayişan sîyasetmedaran hîna hera rixneyan ra akerde bibî, eynî rewş seba serekkomar zî vîyarte yo, serekkomar eşkeno hîna hera muxtabê rixneyan bibo û wa serekkomar rixneyan ra bi weşewnîyayişê nêz bibo. Na çarçiweye de dozê ke mekaqanûneko xurt a zey serekkomar akeno de, dadger zî bin bandorê de manenî. Nê dozî hem verba heqê merdimatî yê hem zî nê adîl î.”
Qet huqiqî nîyî
Elçî da zanayiş ke nê dozî heman demî de teda û desteştişê azadîya ramanî ya verba şexsan î û wina peynî kerd: “Tedayeko sîyasî, verba merdimê wayîrê nêrîneke cîyayî yê, wayîr meyleke cîya ya sîyasî yê, zey silgerîyeke çimtersnayiş û teda yenî şuxilnayiş. Nê kesan heman demî de mûameleya sûcê terorî yeno kerdiş, nirxnayişê nuşteyekî, vatişekî yan zî şîîrekî zey karekê çekdarî yenî vînayiş la na rewş pêroyinê dinyaye de nêameyo vînayiş û spartekê xo ya huqiî nîyo, hetekê muhîm o nîşan dano ke Tirkîyaye azadîya raman û îfadeyê akerde, na rewş aşkera mojneno.”