Dewleta tirk şarê kurd ra pîya, xozaya ci zî kena hedef û bi veş û bombevornayenan qirkerdişê xoza virazena. Xelyek cayanê de dar û birî day ver adir. Qezaya Çewlîg Dara Hênî zî nê cayan ra yew a. Qeraqolê Ziver ra verîya çend rojan topê ke erziyayî Ko Spî dewê Kalaxsî de şewat vet. Dewijan serpirodayişê rayveranê dewlet kerd la pê behaneyê tîvariye çoy (kesî) mudaxaleyê şewatî nêkerd û şewat vilayê heremekê hera bi.
Herem bena wel
Wezîfedaranê AKP arde zûne ke a herem hetê Waliyiye ra qedexe îlan biya, cok ra ê nişkenî şuyerî ûca. Nayî ser ra dewijî çend rojî pê îmkananê xo adir kenî hûna, la şewat çend şin pê tesîrê vayî beno gir û herema hîra re beno vila. Dewijan semedê xo pawitişî dûmareyê dewî de xendek kêndî. Şewat bi sebebê tersê pîl û eke ûna dewam bikere herem veşana bena wel.
Per (heto) bîn ra Dersim Pulur de zî çortalê dewê Kogocî de bombevornayişê quwetanê dewlet dima veşayîş veciya bi. Dewijanê Pulur bi desan dewijê ke dewanê dûmerî ra pîya bi hewldayenanê xo veşî kerde hûna. La xelyek arazî netîceyê şewatî de veşîya.
ÇEWLIG/DERSIM