Nûmayişkarê ke Almanya, Fransa, Swîsre, Awûstûrya, Hollanda û Belçîka ra kewtî ray ver bana Şaredarîya Strasbûrg de amey têlewe û seat 11.30î ra tepya destpa rayşîyayişî kerdî. Şêligo ke resya Place Kléber destpa mitîngî kerd. Îdarekarê Meclîsê Dîaspora yê Şengal ke grevê veyşanî de bî zî tewrê nûmayişî bî. Hemserokê KCDK-E Yuksel Koç ke mitîngî de qisey kerd da zonayen ke şarê kurd do azadîya xo ra tawîz nêdo. Fîkret Îgret ke ser nameyê Meclîsê Dîaspora yê Şengal qisey kerd aşkere kerd ke azadîya Şengal girêdayê azadîya Ocalanî ya. Îgretî da zonayen ke pêrokîn îtiqat û şarê Rojhelatê Mîyanî saya felsefeyê Ocalanî de qirkerdişan ra xelesîyay.
‘Azadî bi tekoşîn yena
Azayê Heyetê Îmrali û Wekîlê koma HDP Îdrîs Balûken ke tewrê nûmayiş bi mesajê xoverdayişî da. Balûkenî vist vîrî ke heta ke tecrîd dewam bikero tekoşîn zî do biramo. Balûken da zonayen ke bi saya xoverdayişê şarî dewlet destûrê pêdiyayişê bi Ocalanî da. Hemserokê PYD Salîh Muslimî zî mitîngî de qisey erd û vist vîrî ke azadî encex bi tekoşîn yena destvistiş. Muslimî vist vîrî ke şarê kurd çar leteyê welatî de xover dana û da zonayen ke şarê kurdî rê xoverdayiş ra teber rayeke bîn nêveradîya.
Rewşê Ocalanî zaf krîtîk o
Hemserokê KONGRA-Gel Remzî Kartalî zî hayr ant tecrîdê Ocalanî ser û da vist vîrî ke Ocalan îradeyê şarê kurdî yo. Kartalî aşkere kerd ke rewşê Ocalanî zaf krîtîk o û vengdayişê berzkerdişê nûmayişan da. Dilşa Osman ke ser nameyê TJK-E qisey kerd hayr ant hewldayenanê seba cenîyan yê Ocalî ser. Osman aşkere kerd ke zey cenîyê kurd iyê dê esaretê Ocalanî ra tehamul nêkerê û tekoşîna xo berz bikerê.
ANF / STRASBÛRG