Demîrtaş’î da zonayen ke, xoverdayîşê şarî, xoverdayîşê dûştê kolonyalîzmê seserra 21. yo û raybazê ci yê qirkerdişê yenî şuxilnayîş o.
Sîstemê qoricitî
Nûrettîn Demîrtaş’î dîyar kerd ke bi planê AKPe yê awankerdişê pergalê natoran (bekçî) heremê xorayîrberdişî û pêroyîya Kurdistanê Vakurî û wina domna: “Pergalê cerdewanî yê dewan awan kerdî, nika zî derbasî şaristanan bikerî. Girewtişê 2 hezar 394 natoran, na raştî nîşan dano. Senî ke sifte dewan vila kerdî û waştî dewê stratejîk awan bikerî. Eyro zî wazenî şaristanê stratejîk awan bikerî. Nê şaristanê stratejîk bêşik destê cerdewanê şaristanan de bêrî kontrolkerdiş.”
Kemerê ereban û kampî
Demîrtaş derheqê Planê Şark Islahatî yê 1925 de vat ke roja eyroyên de zî hewl yeno dayîş bica bêro ardiş, Planê Şark Islahatî bingeyê projeya Mîya (Kuşak) Ereban o û seba projeya Mîya Ereban finak o, merdim eşkenî projeya Mîya Ereban ra bivajî versîyonê Ereb ê Planê Şark Islahatî. Demîrtaş heqê kampê heremê Terolar ê Narli yê Gurgumî yeno viraştiş de wina vat: “Senî ke verê ameybî vatiş; erdê ereban mîyanê awa bendawe de mendo, ganîya înan berê xo biakerî, xaka xo înan ra biakerî. Bi dek û dolaban ereb heremî bicakerdiş, nika zî heman çikî rejîmê tirkî keno. Bi vatişê Sûrîye de şer esto, bextwaştox berî, no ser zî çikekî xoza yo ke no xakê bêrî bicakerdiş. Hewla kirasekî masûmane no hewldayîşê xo bikero labelê wa her kes weş bizano, sûrîyeyij nê DAIŞe bîyarî noca de bi ca bikerî. Na raştî ver çiman û aşkera ya, ameyo îsbatkerdiş ke heme kampê AFADe kampê perwerdeyê DAIŞe yî, heremê Terolar heta Pirsûs, Bazarcix û Zîle xetêkî bi giran nûfisê xo elewî yo ke cayêkî wayîrê potansîyelêko xurt o xoverdayîşî yo. Wazenê sînorê Kurdistan û Tirkîya hetê mêtingerî ewle bikerî û gamê no warî de erzenî.”
Xoverdayişo gird
Demîrtaş destnîşan kerd ke hêrişê yenî kerdiş tewr gird î la xoverdayîşê dijî ci yeno nîşandayîş zî tewr gird o û veng ciwanan kerd ke firsendê dîrokî zî dest nêremînî û navenda xoverdayîşî de ca bigêrî. Demîrtaş veng heme ciwanê tirk, ereb, çerkez, gurcu, laz, elewî, sunî, demokrat, musilman, sosyalîst û şorişger kerd ke beşdarê xoverdayîşê kurdistanijî û elewîyan bibî.
AKÎF XANO DERWÊŞ/ANF/SILÊMANÎYÊ