Demo nêzd de Amed de Komela Rojnamegerê Dîcle Firatî ame awankerdiş û Hemserekê Komele Serdar Altan plan û projeyê komele ser o qise kerd.
Altan aşkera kerd ke çi heyfo ke Tirkîya seba rojnamegeran hepso tewro gird o û rojnamegeran nêeşkenî karê xo bikê. Altan vat ke îqtîdarê AKPî ra nêzdî rojnamegeran tena karê manupulekerdişî kenê.
Altan pare kerd ke rojnamegerî şeklê xo bedilna û rojnamegerîya nuşte çi heyfo ke muhîmîya xo vinî kerd û wina domna: “Raya pêroyin agahî êdî medyaya komelî ra gêna û no ser zî rojnamegerî muhîmîya xo vînî kena. Medyaya komelî de agahîyê şaş û manupule yenî dayiş. Mintîqa de rojnamegeran taybetî kurd û muxalîf î. No ser tade û zilm mintiqa de hîna zaf ê. Çi heyfo ke rasteyê mîyanêneweteyî de rojnamegerê ke hepsî de humara înan zaf bi kem yenî nîşandayiş. Nika hepisan de bi seyan rojnamegeran girewteyê la ê do têkoşînê xo bidomnê.”
MA/AMED