Her ke wextê referandûmî 16ê Nîsane nezdî beno, HDP zî lezî da gureyanê xo. Teşkîlatê HDP yê Edene, hetêk ra seba ke şar şêro sindoqan ser veng dano û hetêk ra zî kampanyaya ‘nê’ meşneno. Edene de yê ke vanê nê aver de yî.Hemserekê Bajarê HDPyî yê Edene Huseyîn Beyazî qala xebate û netîceyê xebatê referandûmî kerd.
Beyazî qiseykerdişê xo de va ‘Çukurova de kes, nasname û bawerîyê cîya-cîyayî estî’ û wina dewam kerd: “Komel de muxalefetêko sey 7ê Hezîrane esto. Şar raşte raşt fikrê xo aşkera nêkeno. Sebebê aşkeranêkerdişê fikran faşîzm û rijnayîş o.”
Hedef referandûm o
Beyazî qiseykerdişê xo de wina va: “Prosesê referandûmî de Edene de qirkerdişê sîyasî virazîyayî. Heme xebatkarê ma ameyî tepiştiş. Operasyonan de xebatê ‘nê’ yenê hedef de yî. Edene tercîhê xo hetê ‘nê’ de xebetnena. Ganî her kes şêro sindoqan ser û reya xo bixebetno.”
EDENE