Ciwanê ke beşdarê çalakîya ke roja 29. de vernîya CPT û Konseyê Ewropa de dewam kena bîyî, qisey kerdî û vînayîşê xo ardî ziwan.
Ciwanan ra Veysî Wîraz ciwanêko şirnexij o û nizdîyê 7 aşmî yo ke Belçîka de yo. Wîrazî wina va: “Heta ke Rayber Apo azade nêbo, şarê kurd azade nêbeno. Ganî ciwanî dest bidî destê yewbînan û wayîrê Rayberîye bivejyî. Ma tîya de ewleyîya çalakîye gênî. Heta nika hêrişêko cîddî nêbî. Heta ke ma Rayberîya xo ra xebere nêgîrî, ma tîya nêteriknenî. Ganî heme ciwanî çarçewaya ‘Sere wedarne’ de bêrî Strasbourg û beşdarê çalakîyan bibî.”
Mazlum Qamişlo zî ciwanêko rojawanij o. Qamişloyî va ‘ma îşkence û tecrîdî qebul nêkenî’ û wina dewam kerd: “Nika vera Rayberîya ma de tecrîdo ke girankerde esto. Ganî ciwanî heme ca de bivejyî rasteyan. Ma ancax bi no hawa eşkenî Rayberîya xo azade bikerî. Ma fedaîbîyayîşî ra nêtersayî. Eke heme ciwanî beşdarê kampanyaya ‘sere wedarne’ bibî, ma eşkenî tecrîdî bişiknî.”
Çi destê ma ra bêro, ma do bikerî
Rodî Yusuf zî Bruksel ra ameyo. Yusufî va ‘ma bi desan reyan waştişê xo pêşkêşê CPT û Konseyê Ewropa kerdî’ û wina domna: “Heta ke waştişê ma bibo, ma do dewam bikerî. Ma wazenî Rayberîya xo ra xeberêk bigîrî. Êdî ma rojêk daxî tehamulê tecrîdî nêkenî. Seba wedarnayîşê tecrîdî çi destê ma ra bêro, ma do bikerî.”
ANF/ STRASBOURG