Peynîya no biryarê seba cenîyan weş xebatkerdişî têkoşîn yenadayiş. Hemşaredara Cizrê Leyla Îmret dîyar kerd ke ê taybetî xebatê cenîya giranî danî û no ser zî Mûdirîya cenîye saz kerdî.
Xebatê cenî ra giranî
Îmret destnîşan kerd ke seba ma xebatê cenî zaf muhîm o û wina vat: “Ma dema ke verê xebatê xo ewnîneyenî, ma zanene ke ganîyo ke ma hîna giranî xebatî cenîya ra bidî, çimkî hetanê nika seba cenîyan yew xebat nêameyakerdiş û seba cenîyan zî yew warê komele nêameya viraştiş. Êdî do ma xebatê cenî ra hîna weş giranî bidî. Ma bi Pergala Hemsereke de xebatê xo ra giranî bidî. Peynîya xebatê cenîye, di Cizrê de cenîyan yew şoriş viraştî la no zî qiym nêkeno. Ewro ma nêeşkenî bivajî di şaredarîyan de yew zeypîyî est o. Di noca de zaf cenî wazenî bi zerrî bixebitî, nika seyî 90 di şaredarîye de mêrde xebityenî, hetanê nika seba cenîyan zaf astengî ameya vetiş. Ma zî waşt cenîyan ra yew firsat bidî, no ser zî ma na mûdire saz kerdî.”
Cenîya do reyver bibî
Îmret aşkera kerd ke nika ser cenî yew polîtîkayê şîdet û tade est o û nê polîtîkayan zî nînê qebulkerdiş û wina dewam kerd: “Êdî cenîya polîtîkayê tade û zilmî qebul nêkerî. Ganîyo ke êdî ma zî hetî di cenîyan de ca bigerî ke cenîyan zî bizanî tena nîyê. Camerdan êdî bizanî ke eke cenîyan yew şîdet bêro se şuxulnayiş do dijverê xo de ma bivînî. Eke cenîyan bivazî se bixebitî do ma mêrdeyan nêgî karî. Çimkî nika di şaredarîye de di zaf hûmarîy de mêrde xebityenî.”Îmret îzeh kerd ke ganîyo ke êdî cenîyan di heme warê de bixebitî û no ser zî înan yew persfektîk hadre kerdî û no persfektîf ser zî cenîyan ra hetkarî wazenî û wina domna: “Nika zîhnîyeta mêrde heme waran dek kerda, na zîhnîyet wazena cenîyan hepsî banê bikera. Cenîyan êdî na zîhnîyet ra nê bivajî. Cenîyan zî seba azadîya xo ekonomîyî ra bixebitî. Ez bawer kena ke do ma dema kilmî de netîce bigerî û cenîya banê ra bivejnî.”
Encumena Şaredarîya Cizrê Berîvan Sabiz zî dîyar kerd ke ê fikrîyana ke di kûçeya Hunerî de seba lazimeya cenîyan ekonomîk û komeleye rê xebat bikerî û çimkî ê wazenî warê komeleye ra cenîyan beşdar bikerî, êdî hemşaredarê cenîye rengê xo dîyar bikerî.
NURCAN YALÇIN/JINHA / ŞIRNEX