Şahîn dîyar kerd ke hewl yena dayiş welat de konsepteke şer bêro meşnayiş û wina vat: “Na rewşe newe nîya, demeke kilm verîya weçînayişê ame destpêkerdiş, ravêreyeyek ke Agirîyê de dest pê kerd, seba ke netîceyê weçînayişê hetê qesrê ameynê zanayiş. Aşkera bi ke AKP nê netîceyan kêfweş nêbîya û no ser zî dest pê na konsepta şerî kerd.”
Lejker daristnan veşnenî
Şahîn ard ziwan ke Dêrsim yew şaristano sembolîk a, na welatî de nê adirê amey vetişî, cayê xo de cigêrayiş kerdî û wina dewam kerd: “Hem goreya vatişê dewijan hem zî goreya çimeyanê ma, adir hetê lejkeran ra ameyo vetiş. Dema ma heremeke adirê kontrol kenî, heremeke bîn adir yena vetişî. No zî nîşan dana ke bi zanayişê no yena kerdişî.”
Şahîn bal ant ser qedexekerdişê 14 hereman bi hinceta ‘ewleyî’ û wina peynî kerd: “Nê 14 herem ra pêroyinê ci Dêrsim de yê. Seba ke Dêrsim cayekî koyê ya, heremê Dêrsimî ya akerde kem î. Dema şima cayekî bigêrî, heremek temamê ci yenî girewtiş. Têkilîya gelek qezeyan, gelek hereman yewbînan ra qut kenî. Dêrsim nika agêraya heremeke qedexekerdişî. Serra 1938’an ra nika qedexeya hîna gird ameya îlankerdişî.”
OZGUR AYDIN/ANF/ DÊRSIM