Mahsum Korkmaz(Egît) ke fermandarê têkoşînê sîlehin ê ke PKKî 15ê Tebaxe 1984 de Dihêya Sêrtî de viraşt o, sey fermandaro ke fîşeka sifteyîn teqna, rîpelê tarîxî de cayê xo girewt. Birayê Egîdî Fehmî Korkmaz ser cuyeyê Egîdî de qisey kerd.
Bî omidê sifteyîn
Bira Fehmî Korkmaz ard ziwan ke wexto ke ame famkerdiş ke no serewedaritiş sey serewedaritişê klasîkî nîyo şarê kurd de omidekê gird virazîya û va: “Egît û embazê ci bîyî zerrîya ke seba şarî dano piro. 15ê Tebaxe sifteyîn seba şarê kurd badê zî seba heme şaranê Rojhelato Mîyanênî û cenîyan vengdayîşê têkoşînî yo. No vengdayîş sifteyîn Kurdistan û heme dinya de hewayo gird olan da. No zî heme şaran de heyecanêko gird awan kerd.”
Newede ra ganîbîyayişê kurdan
Korkmaz ciresna ke na hemle ra dima êdî polîtîkayê çinîkerdişî nêşkenî netîce bigîrî û wina verdewam kerd: “Nika ganî no vengdayîş seba famkerdiş û nîqaşkerdişî ganî hetê cenî, ciwan û heme hetê ke yenî pelçiqnayîşî ra bêro vînayîş. Ganî berpirsîyarîyî bêrî ca. No vengdayîş demokratîkkerdişê Kurdistan, Tirkîya û Rojhelato Mîyanênî yo. 15’ê Tebaxe têkoşînê ganîbîyîş, azadî û demokrasîya şarê kurdî yo.”
Fîşeka sifteyîn a
Korkmaz vat ke 15’ê Tebaxe tena serewedaritişêkî klasîk nîya û wina domna: “15’ê Tebaxe hem fîşeka sifteyîn a û hem zî hedîseya ke ruhî, fikrî, kulturî û neteweyî yo. Şaro ke wina domanê ci bibo, ganî wayîr bivejîyo û her tim bido cuyayîş. Cenazeyê Egîdî Newala Qesaba de yo û her çiqas ke cayê ci yeno zanayîş zî destûr nêdanî ke cenaze bêro vetiş. Ma her rey sere da dozgerî û dezgeyanê dewlete ro. La herinda ke cenaze bivejî, her tim ma rê doz abî. Heta ke cenazeyê xo bigîrî ma dê têkoşînê xo bidomnî.”
DÎHA/ÊLIH