Weçînayîşê 24ê Hezîrane rê tena rojêk mend û xebatê partîyan yê îknakerdişê şarî dewam kenî. Partîyê sîyasî û namzedê înan bajar bi bajar armancê xo weçînitoxan ra vanî û hewl danî rayanê xo zêde bikerî.
Endama Heyetê Merkezî yê Partîya Herêman ya Demokratîke (DBP) Hedîye Karaaslane derheqê weçînayîşî de qisey kerde û dîyar kerde ke netîceyêko sindoqan ra bivejîyo, do tecrîdo ke Îmrali de esto ser o zî tesîr bikero.
Karaaslane va ‘eke 24ê Hezîrane de îqtîdar nêbedilîyo, o wext tecrîd hîna kûr bibo’ û wina domna: “Seba wedarîyayîşê tecrîdî, ganî îqtîdar sindoqan de binkewo. Ewro cinîyê kurdî hetê sîyasî û komelkî de hîna zaf rol gênî û nêyî keda tewr zaf ya Ocalanî ya. Ma cinîyî zî ganî seba şiknayîşê sîstemê tecrîdî, hewl bidî îqtîdar bibedilnî. Îqtîdarê AKP estena xo ser tersî ra domneno. Çimkî hêzê xo zorî ra gêno. No eynî wextî de bêhêzîya înan nîşan dano.”
Şer Îmrali de danî dest pêkerdene
Karaaslane dewamê qiseykerdişê xo de wina va: “Weçînayîşê 24ê Hezîrane bîyo weçînayîşê estene û çinêbîyayîşî. AKP seba ke weçînayîşî qezenç bikero, heme çî keno. Cok ra ganî ma vera nêyî de fikrê Ocalanî hîna zaf bivejî aver. Eke îttîfaqê şarî qezenç bikero, o wext yeno manaya wedarîyayîşê tecrîdî zî. Cok ra wezîfeyêko gird keweno milê cinîyan ser. Ganî ma 24ê Hezîrane de wayîrê sindoqan bivejyî. No deynê ma yê Ocalan rê yo.”
MA / DÎLOK