ARJÎN FERAT / ANF/BEHDÎNAN
Fermandarê Qerargehê Merkezê Pawitişê Şarî Mûrat Karayilanî derheqê hêriş û dagîrkerîya dewleta Tirkî de qisey kerd û mesajê muhîmî dayî. Karayilanî bale ante konseptê dagîrkerî û qirkerdişî yê dewleta Tirkî yê vera Kurdan ser û qala xoverdayîşê gerîlayan kerde.
Karayilanî dîyar kerd tayê vanê ‘wa PKK şer nêravêrno Başûrî’. Ma Şemzînan ra heta Dêrsim, Zagros ra heta Serhedî her ca de vera dewleta Tirkî ya kolonyale de şer kenê. Çimê dewleta Tirkî Vakurê Îraqî de yo. Ma şer nêravêrnayo Başûr, dewlete bi xo şer ravêrnayo Başûr. Dewleta Tirkî sînor ra ravêrena û yena Başûr. Coka ma Xakurkê û Zap de şer kenê. Ê wazenê ma bi temamî raste ra wedarê. Vakur de nêeşkeno çin kerî, vanî ‘ma do înan Başûr de çin kerê’. No konseptêk o. Rastîya mesela wina ya.”
Karayilanî vat ke kewtişê dewleta Tirkî yê Başûrê Kurdistanî heman wextî de do seba înan bibo sebebê serkewtişî û wina dewm kerd: “Eke ma Başûrê Kurdistanî de zorê înan bîşêrî do Anqara de zî bin bikewê. Çunke şerê ma hendî dereceya tewr berze de yo. Nê şerî de ma birayanê xo ra, şarê xo ra wazenê ke wa ma rê nêbê asteng, eke înan ra yeno wa piştî bidê ma.”
Ma nînan baş nas kenê
Karayilanî va ‘Erdogan dîyar keno ke o do mîlyonêk merdim Rojawan de bica bikero’ û wina qedêna: “Seke Efrîn de kerd, wazeno merdimanê ma vejo û tayê bînan bica bikero. Bi hawayêkê fermîyî vano ke do pakîya etnîkî bikero. Tewr peynî nameyê ‘Korîdorê Aştîye’ da planê xo. 45 serrî vere wexto ke înan Qibris dagîr kerd nameyê ‘Tevgerê Aştîye yê Qibrisî’ şuxulnabi. Nika zî planê dagîrkerdişê Rojawanî ra vana ‘Korîdorê Aştîye’. Ma nînan baş nas kenê. Çîyo ke ci ra vana aştî, dagîrkerî û qirkerdiş o. Na yewe ra ganî çew fek dewa xo ra vera medo, çew xo nêanco.”