Ciwanê SGDFe seba newe ra awankerdişê Kobanê vejîyaybî rayîrî û Pirsûs de waşt bi ke aşkerayêk bidî labelê no îzahêk de çeteyêk DAIŞe xo teqnabî û bi desan ciwanî cuya xo dabî. Hêdî hêdî heqê no qirkerdişî belgeyê muhîm vejîyenî werte.
Hemserekê SGDFe Oguz Yuzgeç belgeyî ke vejîyayî werte înan ser o şîroveyê xo ard ziwan, Qirkerdişê Pirsûsî ra Oguz Yuzgeç zey birîndar xelisyabî.
Têkoşînê edaletî
Hemserekê SGDFe Oguz Yuzgeç dîyar kerd ke belgeyî ke dosyaya doza mudirê Emnîyetî yê Pirsûsî Mehmet Yapalialî vejyayî, vatişê înan o kerdoxê qirkerdişî Erdogan û AKPe yî raşt kerdî û wina vat: “Ma mîyanê 10 aşmî de heme şîroveyê xo ardbî ziwan ke kerdoxê qirkerdişî Erdogan û AKPe yî û belgeyî ke vejyayî werte hem ma hem zî kesî ke edalet wazenî çiqas heqdar î nîşan dayî.”
Hemserekê SGDFe Yuzgeç aşkera kerd ke çi heyf ke demê qirkerdişî de seba hêrişê çeteyê DAIŞe nê seba înan polîsê AKPe vergirewtişan girewtbî û wina dewam kerd: “Dîyar bi ke AKP/Qesre/Polîs nêwaştînî SGDFe Kobanê reyde çalakîya hetkarîdayîşî bikera û no ser zî pîya no qirkerdişî organîze kerdî, demo ke bombe nêbîynî xora polîsê AKPe bi çekan hêrişê ma bikerdînî, eke dosya ser o bira nimiteyî bihawanî yo, no demî heme raştîyî bivejî werte.”
Yuzgeç îzah kerd ke ê ‘Seba Pirsûs û heme kesî rê’ dest pê kampanyayêk kerdî û no dergî da qiseyê xo: “Belgeyî ke vejîyayî werte, taybetî 4 waştişê ma hîna muhîm kerdî. Sifte ma wazenî dosya ser o bira nimteyî bêro hawanayîş, heme kerdoxê qirkerdişî wa bêrî dariznayîş. Nika heqê mudirê emnîyetî yê Pirsûsî doz ame akerdiş la qiym nêkeno. Ma do xoverdayîşê xo bidomnî, ganî mabenê Qirkerdişê Pirsûs, Enqere û Amedî de têkilî ser o cigêrayîşêko hera bêro kerdiş, çimkî eke nê qirkerdişî roşn bêrî kerdiş do heme qirkerdişî aşkera bibî. Nika kampanyaya ma ‘Ma pîya pawit û ma pîya înşa kenî’ her ke şona hera bena.”
ANF/RIHA