Seke yeno zanayîş Serekkomar Erdoganî vatbî ‘bizewijê, zêde bibê. Tirkîya de tewr kêmî 10-15 domanê terorîstan estî’. Bajarê Wanî de Muhteber Bora ke dayîka 12 domanan a, vatişê Erdoganî şermezar kerde û wina va: “Seba ke mi hende domanî ardî dinya, ez poşman nîya. Eke destê mi ra bêro ez do hendînan zî bîyara. Dayîka 6 domanan Behîce Borçine zî va ‘kurdî bi kiştişî nêqedîyenî, wa xo rê xeyalan nêvirazî’. Dayîka 6 domanan Pinar Demîre zî dîyar kerde ke yê ke vanî 3 domanan bivirazê, 15 domanan virazenî sey terorîstî vînenî. Dayîke Hanîfe Sevene zî va ‘yê ke no qerar bidî dayîke bi xo yî’.
MA/WAN