Çendêk verê Walîtî destûr nêdaybî ke cenazeya Ercan Guneşo ke 23ê temmuze de dewa Hanî de hetê leşkeran ra ameybî qetilkerdiş bigirîyo cemxaneyî. Elewîyî hêrsin î. Babete ser o Sekretera Kehene ya Komeleya Elewîyê Demokratîkî yê Dêrsimî Nadîde Yalliye qisey kerde.
Yalliye wina va: “Elewîyan ser de kayê lîşinî yenê plankerdiş. Eke yewîya elewîyan ra nêbîyêne do elewîyî lete lete bibîyêne. Walîtî ameyîşê cenazeyê gerîlayan yê cemxaneyan qedexe kerda. No qerar qerarêko şaş o û elewîtî de çîyêko winasî çin o. Elewîtî de rêzdarî esto.”
Yalliye tewr peynî wina va: “Heqê her kesî esto ke bêro cemxane de îbadet bikero. CHP Dêrsim de meşa ‘teror rê nê’ viraşt. Ma vera mergan de yî. Labelê ma paweyê Parlementerê CHPyî yê Anqara Gursel Erolî bî ke bivajo ‘êdî bes o, wa tîya de çew nêro qetilkerdiş’. Ganî Erolî wayîrê her kesî bivejîyayêne û reaksîyon binawitêne babeta cenaze.”
DERSIM