Çend rojî verê Serekê Karê Dîyanetî Alî Erbaşî Cemxaneyê Tuncelî zîyaret kerdbi. Zîyaretê Erbaşî ver her ke şono reaksîyonê elewîyan zêde beno. Pîranê Ocaxê Aguçanî ra Hasan Gençî babete ser o qisey kerd û dîyar kerd ke ê pîrî goreyê menfîetê xo hereket kenî û ti eleqeyê înan bi bawerîya Reya Haqî çin o.
Gençî va ‘ê pîrî goreyê menfîetanê xo hereket kenî’ û wina domna: “Ti eleqeyê nînan Reya Haqî reyde çin o. Merdim yewbînî ra hes keno, labelê bawerîya xo sewbîna bawerîye ra girêdayene, nêbeno. Rayîrê ma, pîrê ma, rayber û murşîdê ma estî.”
Gençî dewamê qiseykerdişê xo de wina va: “Ganî welatêko laîk de Dîyanet nêbo. Hz. Huseyînî vato ‘ez o ke vera zulme zalimî de nêvindero, ez ey bênamûs hesibnena. Vindetişê Hz. Huseyînî no yo, bawerîya ma zî na ya. O ke vera zulmê zalimi de nêvindero, bênamûs o. Bawerîya ma de zalimî reyde hemkarîye nêbena.”
PÎRHA / DÊRSIM