Oker dîyar kerd no kombîyayiş, kombîyayişeke dîrokî yo û vîr ard ke dîroka komarê de qet elewîyê zey elewîyê qebul nêkerdî û problemê elewî zî bi awayekî zelal çareser nêkerdî û wina vat: “Hetanê nika partîyeke bernameyê xo de elewîyan ra ca nêdayî. Ma kêfweşî ke ewro bin siwana HDPê de ma bi problemê xo, bi xoserîya xo de ca gênî. Kamîya ma ya xoser bi ti awayî zey problemê nînî vînayişî.”
Oker aşkera kerd ê deng bidê kamîya xo, bidê waştişê xo, ê Kobanê de vînayî, xeliskerdişeke sewbî mazlum nîyê, nê NATO ya xo esta, nê zî Neteweyê Pêrabesteyî û ganîyeya şarê mazlum bi pîya papolanan de bendan nêveradî û ver xo bidê û ê zî bi HDP de bi nê embazan de bîyê yew, bila na yewîtîyê her tim biba û bi Xizir ê Bozatî hetkarî bido heme înan.
Neteweya demokratîk
Serekê Komeleya Kultir a Pîr Sultan Abdal û namzedê HDP ya Îzmîrê Muslum Dogan zî ravêreyeya weçînayişê zey maratoneke gird bi name kerd û wina dewam kerd: “Ma kîlometreya derg peynîya xo de verada, ma têkoşîneke gird meşna. Herî zêde zî ma semedê bîyîşê xo ya di mîyanê na ravêreyeyê de vat. Ma hewl day bivajî ke projeyê neteweya demokratîk de wa cayê elewîyan bibo, têkoşîna hembar bêro xurtkerdişî. Ma hewl danî cuyayişeke newe destnîşan bikerî.”
Dogan ciresna ke kombîyayişê elewîyan mîyanê HDP de destpêka ravêryeyeke dîrokî yo, elewîyan yewinraya ke bi xoserîya xo yenî temsîlkerdişî, ê problemê xo açarnayê projeyekê û têkoşîna înan a Ewropa û Tirkîyayê resay têlewe, îradeyeke hembar vejîya meydanî û no ser zî elewîyan rayê xo bidê xo.
ANF/ÎZMÎR