Serekê Rûmetinî yê Konfederasyonê Yewîya Elewîyanê Ewropa Turgut Okerî nuşteyêkê xo yê Kovara ‘Alevîlerîn Sesî’ de qala tevgerê elewîyan kerd û melumatê muhîmî dayî. Okerî nuşteyê xo de dîyar kerdo ke eke qala îdeolojîyê elewîyan bêro kerdene, ya, tevgerê elewîyan tevgerêko xoser o, labelê eke vindetişê elewîyan bibo babete, o wext tevgerê elewîyan xoser nîyo.
Okerî nuşteyî de vato ‘tevgerê elewîyan hertim hetê muxalefetî de ca gêno û no het de xoser nîyo’ û wina domna. “Tirkîya tewr zaf elewîyî zext û wehşetê îqtîdarî ra zirar vînenî. Eke komelêk de bawerîyan rê rêz nêro girewtene, o wext herkes nêyî ra zirar vîneno û nîşandayena reaksîyonî zî normal o.”
Okerî peynîya nuşteyê xo de wina vato: “Tevgerê elewîyan xoser nêbeno; çimkî elewîyî biratîya şaran wazenî. Cok ra qewimîyayîşan ver nêşênî çimanê xo bigîrî. Tirkîya de xeylê şarî cuyenî labelê nika Tirkîya bîya zîndanê şaran. Cok ra elewîyî nêşênî vera na rewşe de çimanê xo bigîrî û goşanê xo padî. Her elewîyê ke rindî û heqdarîye het de yî, ganî wina bikerî. Elewîyî nînan vînenî û no het de xoser nîyî.”
PÎRHA / STENBOL